აშშ-ის ყოფილი პრეზიდენტი ჯორჯ ბუში ბარაქ ობამასა და ბილ კლინტონთან ერთად აშშ-ში ხელისუფლების გადაბარების პროცესს გამოეხმაურა და ახალ პრეზიდენტს წარმატება უსურვა.
„ის ფაქტი, რომ სამი ჩვენგანი ერთად ვდგავართ და ხელისუფლების მშვიდობიან გადაბარებაზე ვსაუბრობთ, ჩვენი ქვეყნის ინსტიტუციონალურ მთლიანობაზე მეტყველებს. ამერიკა დიდსულოვანი ქვეყანაა, ამერიკელები დიდი გულის მქონე ხალხია. სამივეს გაგვიმართლა, რომ ამ ქვეყნის პრეზიდენტები ვიყავით,” - აღნიშნა ჯორჯ ბუშმა ჯო ბაიდენის ინაუგურაციის შემდეგ გამართული ღონისძიების დროს.
მან ახალ პრეზიდენტს წარმატებები უსურვა.
„ბატონო პრეზიდენტო, თქვენი წარმატების იმედი მაქვს. თქვენი წარმატება ჩვენი ქვეყნის წარმატებაა. ღმერთმა დაგლოცოთ,“ - განაცხადა აშშ-ის ყოფილმა პრეზიდენტმა.