გია ვოლსკი დავით გარეჯის საქმეზე - ხედავთ, თუ რა გააფთრებით იბრძვიან ჩვენი ოპონენტები, რათა პოლიტიკურ პატიმრებად აღიარონ ადამიანები, რომელთა წინაშე სეროზული ბრალდებებია

ხედავთ, თუ რა გააფთრებით იბრძვიან ჩვენი ოპონენტები, რათა პოლიტიკურ პატიმრებად აღიარონ ადამიანები, რომელთა წინაშე ძალიან სეროზული ბრალდებები დევს, - ამის შესახებ "ქართული ოცნების" დეპუტატმა გია ვოლსკიმ ჟურნალისტებს დავით გარეჯის საქმესთან დაკავშირებით განუცხადა, რომლის ფარგლებშიც დღეს პროკურატურამ ვიდეო მტკიცებულებები გაასაჯაროვა.

მისივე თქმით, პროკურატურის მიერ გამოქვეყნებული ჩანაწერები კიდევ ერთი დასტურია იმის, რომ საქართველოს წინააღმდეგ კონსპირციული მოქმედების ყველა ნიშანი იყო.

"ფაქტია, რომ ვერც ივერი მელაშვილი და ვერც ილიჩოვა პირადი მერკანტილური შეხედულებებით ვერ იმოქმედებდნენ, გამოძიება წინაა, სასამართლოს დასკვნა ამაზე იქნება საგანგებო მნიშვნელობის. ხედავთ, თუ რა გააფთრებით იბრძვიან ჩვენი ოპონენტები, რათა პოლიტიკურ პატიმრებად აღიარონ ადამიანები, რომელთა წინაშე ძალიან სეროზული ბრალდებები დევს. პოლიტიკურ ასპექტს თუ გავუსვამთ ხაზ და აუცილებლად უნდა მივაქციოთ ყურადღება, რომ საქმე გვაქვს ადამიანებთან, რომლებმაც გადაწყვეტილეს, რომ საქართველოს ისტორიული მნიშვნელობის ტერიტორია შეიძლება გასხვისებულიყო, დღემდე ჩვენთვის გაურკვეველი მიზეზით. ეს ფაქტი, მგონია, რომ ვერანაირად ვერ იქნება შერყეული. მაგრამ ფაქტია ისიც, რომ არსებობს სამართლებრივი სახელმწიფო, სადაც ყველაფერს საბოლოოდ წერტილი სასამართლომ უნდა დაუსვას", - განაცხადა გიორგი ვოლსკიმ.

ცნობისთვის, გენერალურმა პროკურატურამ დავით გარეჯის საქმესთან დაკავშირებით ვიდეო მტკიცებულებები გაასაჯაროვა. გამოძიების ფარგლებში, ვიდეო და აუდიო ჩამწერი მოწყობილობებით მიმდინარეობდა ფარული საგამოძიებო მოქმდებები, მათ შორის, ბრალდებული ივერი მელაშვილის სამუშაო ოთახში. პროკურატურის ინფორმაციით, ბრალდებულ ივერი მელაშვილსა და მ.მ-ს საუბარი შეეხება საქართველოს საზღვრის რამდენიმე შეთანხმებულ მონაკვეთს. კერძოდ: მე-17 არხის, დავით გარეჯის და ჯანდარის ტბის მიმდებარედ არსებულ მონაკვეთებს.

თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
ქართული პრესის მიმოხილვა 16.09.2021
იოსებ ბარათაშვილი - თუ უმოკლეს ვადებში არ გამოქვეყნდა რა აუცილებლობით კეთდებოდა ფარული ჩანაწერები, ხელისუფლებას მოუწევს პასუხისმგებლობის აღება ძალზე მძიმე ბრალდებაზე
ნიუ ვიჟენ უნივერსიტეტი საზოგადოებას კინემატოგრაფიაში ამერიკულ სამაგისტრო პროგრამას სთავაზობს
კრიპტალი მომხმარებლებს 1 მილიონ შიბა ინუს (ელექტრონული ფული) ჩუქნის
BDO Digital-ი SWIFT-ის ოფიციალური პარტნიორი გახდა
BDO Digital-ი კომპანიებს აქტივების მართვის თანამედროვე გადაწყვეტას სთავაზობს