მაია ცქიტიშვილი - მოსახლეობის პრიორიტეტულ ჯგუფებს შევთავაზებთ იმ ავტორიზებულ ვაქცინას, რომელიც ხელმისაწვდომი იქნება

საქართველოს პირველი ვიცე-პრემიერის მაია ცქიტიშვილმა განაცხადებით, მოსახლეობის პრიორიტეტულ ჯგუფებს შესთავაზებენ იმ ავტორიზებულ ვაქცინას, რომელიც ბაზარზე ხელმისაწვდომი იქნება.

მისივე თქმით, საქართველოს აქვს შესაძლებლობა ყველა ის ვაქცინა მიიღოს, რომელიც დღეის მდგომარეობით ბაზარზე ხელმისაწვდომია.

მანვე აღნიშნა, რომ ჩვენნაირი განვითარების დონის ბევრი ქვეყნისგან განსხვავებით, საქართველოს აქვს რესურსი და ტექნიკური შესაძლებლობა, რომ სხვადასხვა ტემპერატურული რეჟიმის დაკმაყოფილებით, ვაქცინაციის პროცესი შეუფერხებლად წარმართოს.

“ვაქცინების შერჩევის პროცესში, პირველ რიგში, გავითვალისწინებთ საერთაშორისო ავტორიზაციას და რომელი ვაქცინაც იქნება ლიცენზირებული, მზად ვართ, რომ შევიძინოთ. არავითარი მნიშვნელობა არ ექნება იმას, თუ რომელი ქვეყნის, ან რომელი მწარმოებლის ვაქცინაზეა საუბარი. რადგანაც განსაკუთრებით მნიშვნელოვანია, რომ ვაქცინაციის პროცესი წარიმართოს რაც შეიძლება სწრაფად, რომელი ავტორიზებული ვაქცინაც იქნება პირველ ეტაპზე ხელმისაწვდომი, მას შევთავაზებთ მოსახლეობის პრიორიტეტულ ჯგუფებს. შემდგომში კი ბაზარზე უკვე სხვადასხვა ფირმის მეტი ვაქცინა იქნება ხელმისაწვდომი”, - აღნიშნა მაია ცქიტიშვილმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს