ევროპარლამენტმა რეზოლუცია მიიღო, რომლითაც ალექსეი ნავალნის დაკავებასთან დაკავშირებით, რუსეთისთვის სანქციების დაწესებას მხარს უჭერს

ევროპარლამენტმა მიიღო რეზოლუცია, რომლითაც მხარს უჭერს რუსეთისთვის სანქციების დაწესებას ოპოზიციონერი პოლიტიკოსის ალექსეი ნავალნის დაკავებასთან დაკავშირებით. დოკუმენტს მხარი დაუჭირა 581 დეპუტატმა, 50 წინააღმდეგი იყო, 44-მა კი თავი შეიკავა.

დოკუმენტში ევროდეპუტატები გმობენ რუსეთის ქცევას, რომელსაც ისინი მიიჩნევენ მიუღებლად, როგორც ევროპის საბჭოსა და ეუთოს წევრი ქვეყნისთვის. ისინი ორივე ორგანიზაციას მოუწოდებენ, მიიღონ შესაბამისი ზომები ვალდებულებათა დარღვევების შესაფასებლად, რომლებიც რუსეთს აქვს აღებული.

რეზოლუციის ცალკე პუნქტში ევროპარლამენტარები მოუწოდებენ მინისტრთა კომიტეტსა და ევროპის საბჭოს წევრ ქვეყნებს, გამოიყენონ უფლებამოსილება, რომელსაც ითვალისწინებს ევროპის კონვენციის 46 (4) მუხლი ადამიანის უფლებების შესახებ, რათა დაიწყონ რუსეთის დასჯის პროცესი ადამიანის უფლებათა ევროპულ სასამართლოში.

დასჯის პროცედურა ითვალისწინებს სახელმწიფოს უფლებების შეწყვეტას ევროპისაბჭოში.

გარდა ამისა, ევროდეპუტატებმა ევროკავშირს და მის წევრ სახელმწიფოებს მოუწოდეს, კრიტიკულად გადახედოს რუსეთთან ურთიერთობებს სხვადასხვა საგარეო პოლიტიკურ პლატფორმებზე.

კერძოდ კი, მოითხოვენ, რომ დაუყოვნებლივ შეწყდეს გაზსადენის „ჩრდილოეთის ნაკადი-2“-ის მშენებლობა.

ცალკე პუნქტად არის მითითებული მოწოდება ევროკავშირის საბჭოსადმი, შემოიღოს სანქციები რუსი ოლიგარქების წინააღმდეგ, რომლებიც დაკავშირებული არიან ვლადიმერ პუტინის უახლოეს გარემოცვასთან, ასევე რუსი პროპაგანდისტების წინააღმდეგ, რომლებიც ევროკავშირში ფლობენ აქტივებს და იქ თავისუფლად გადაადგილდებიან. ევროპარლამენტი ასევე ითხოვს, არსებითად გამკაცრდეს შემზღუდავი ზომები რუსეთის წინააღმდეგ, მათ შორის სანქციების დადების გზით ფიზიკურ და იურიდიულ პირებზე, რომლებიც მონაწილეობდნენ ალექსეი ნავალნის დაკავების გადაწყვეტილებაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს