მოხუცთა თავშესაფარში გაჩენილი ხანძრის გამო, დღეს, ხარკოვში გლოვის დღე გამოცხადდა

მოხუცთა თავშესაფარში გაჩენილი ხანძრის გამო, რომელსაც 15 ადამიანის სიცოცხლე ემსხვერპლა, 22 იანვარი ხარკოვში გლოვის დღედ გამოცხადდა, - ამის შესახებ ინფორმაციას უკრაინული მედია ავრცელებს.

მათივე ინფორმაციით, გუშინდელ ინციდენტთან დაკავშირებით სამართალდამცავებმა სამი პირი დააკავეს. დაკავებულები არიან : სახლის მეპატრონე, შენობის მოიჯარე და უკანონო დაწესებულების ადმინისტრატორი, მათ საცხოვრებელ ბინებში კი ჩხრეკა მიმდინარეობს.

ცნობისათვის, უკრაინის ქალაქ ხარკოვის მოხუცთა თავშესაფარში ხანძარი გუშინ, ადგილობრივი დროით დაახლოებით 15:00 საათზე გაჩნდა. ხანძარს 15 ადამიანის სიცოცხლე ემსხვერპლა. მაშველებმა 9 ადამიანის გადარჩენა შეძლეს, მათგან ხუთი საავადმყოფოშია გადაყვანილი. წინასწარი ინფორმაციით, უბედური შემთხვევის მიზეზი გაუფრთხილებლობა გახდა. ხანძრის ზუსტი მიზეზების დასადგენად უკრაინის მინისტრთა კაბინეტმა სპეციალური სამთავრობო კომისია შექმნა.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს