დღეს ჩვენ შეთანხმებას ვერ მივაღწიეთ - შეხვედრები გაგრძელდება, - ეს განცხადება პარლამენტის თავმჯდომარის არჩილ თალაკვაძის კაბინეტიდან გამოსულმა პარტია “მოქალაქეების“ წარმომადგენელმა ლევან იოსელიანმა გააკეთა.

როგორც იოსელიანმა ჟურნალისტეთან საუბრისას განაცხადა, შეუთანხმებელია საარჩევნო სისტემასთან დაკავშირებული რაღაც დეტალები, რაც მათთვის პრინციპულია. მისივე თქმით, შეხვედრაზე ასევე ძალიან პრინციპულად დაისვა პოლიტპატიმრების გათავისუფლების საკითხი, თუმცა ხელისუფლება პოლიტპატიმრების არსებობას არ აღიარებს.

“ჩვენ ოპოზიციასთან ამ ტიპის ურთიერთობა - კინკლაობა დავასრულეთ. ჩვენ ვერ შევძლთ დაგვერწმუნებინა ჩვენი აზრის სისწორეში, რომ მოლაპარაკებას ალტერნატივა არა აქვს. ჩვენ ამ მოლაპარაკებას მათგან დამოუკიდებლად ვაგრძელებთ. მოლაპარაკებები დღეს დავიწყეთ. დღეს არაფერი გადაწყვეტილა. თუ ჩვენ შეთანხმებაზე ხელს არ მოვაწერთ, პარლამენტში ჩვენი შესვლა გამორიცხულია. შეთანხმება მარტო საარჩევნო სისტემაზე ვერ იქნება. ყველაფერს გავაკეთებთ, რომ მაქსიმალური წამოვიღოთ“, - განუცხადა ჟურნალისტებს ლევან იოსელიანმა.

იხილეთ ვიდეო