იენს სტოლტენბერგი - სტრასბურგის სასამართლოს გადაწყვეტილება, აძლიერებს ჩვენს მოწოდებას რუსეთის მიმართ, რომ მისი ქმედებები შეესაბამებოდეს საერთაშორისო სამართალს და პატივი სცეს საქართველოს ტერიტორიულ მთლიანობას

ადამიანის უფლებათა ევროპულ სასამართლოს დავესესხები, რომლის გადაწყვეტილებაშიც წერია, რომ რუსეთი პასუხისმგებელია ადამიანის უფლებების დარღვევაში სამხრეთ ოსეთსა და აფხაზეთში, ეს მხოლოდ აძლიერებს ჩვენს მოწოდებას რუსეთის მიმართ, რომ მისი ქმედებები შეესაბამებოდეს საერთაშორისო სამართალს და პატივი სცეს საქართველოს ტერიტორიულ მთლიანობას,- ამის შესახებ ნატო-ს გენერალურმა მდივანმა იენს სტოლტენბერგმა საქართველოს პრეზიდენტთან სალომე ზურაბიშვილთან გამართული შეხვედრის შემდეგ პრესკონფერენციაზე განაცხადა.

მისი განცხადებით, საქართველო არის ნატო-ს ერთ-ერთი ყველაზე მნიშვნელოვანი პარტნიორი და მიუხედავად პანდემიის მიერ შექმნილი გამოწვევებისა, საქართველო აგრძელებს პარტნიორობის გაძლიერების მიზნით მუშაობას.

„თქვენი აქ ყოფნა საქართველოსა და ნატო-ს შორის არსებული მჭიდრო თანამშრომლობის დემონსტრირებას კიდევ ერთხელ ახდენს. საქართველო არის ნატო-ს ერთ-ერთი ყველაზე მნიშვნელოვანი პარტნიორი. ჩვენ მჭიდრო პოლიტიკური პარტნიორობა გვაქვს და ძლიერი პრაქტიკული თანამშრომლობა. მიუხედავად გამოწვევებისა, რომელიც დაკავშირებულია კოვიდ-19-ის პანდემიასთან, ნატო და საქართველო აგრძელებენ პარტნიორობის გაძლიერებას. ჩვენ მაქსიმალურად გამოვიყენებთ ჩვენს მიღწევებს და შევაფასებთ რისი გაკეთება შეგვიძლია მომავალში. გასულ წელს ჩვენ გავაფართოვეთ ნატო -საქართველოს არსებითი პაკეტი, რაც ეხმარება საქართველოს გაატაროს რეფორმები, გააძლიეროს თანამშრომლობა მოკავშირეებთან და გააგრძელოს წვლილის შეტანა ერთობლივ უსაფრთხოებაში. ჩვენი ძირითადი პრიორიტეტები მოიცავს უსაფრთხო კომუნიკაციას. პრეზიდენტმა და მე დღევანდელ შეხვედრაზე განვიხილეთ ტრენინგები და წვრთნები და საზღვაო მხარდაჭერის გაძლიერება. დღეს ჩვენ, ასევე, განვიხილეთ უსაფრთხოების სიტუაცია შავი ზღის რეგიონში და რუსეთის მხრიდან მიმდინარე სამხედრო ძალის გაძლიერება. ნატო მხარს უჭერს საქართველოს ტერიტორიულ მთლიანობას და სუვერენიტეტს მის საერთაშორისოდ აღიარებულ საზღვრებში. ჩვენ კვლავ მოვუწოდებთ რუსეთს, რომ შეწყვიტოს აფხაზეთისა და სამხრეთ ოსეთის აღიარების პოლიტიკა და გაიყვანოს იქიდან თავისი სამხედრო ძალები.

ადამიანის უფლებათა სასამართლოს დავესესხები, რომლის გადაწყვეტილებაშიც წერია, რომ რუსეთი პასუხისმგებელია ადამიანის უფლებების დარღვევაში სამხრეთ ოსეთსა და აფხაზეთში. ეს მხოლოდ აძლიერებს ჩვენს მოწოდებას რუსეთის მიმართ, რომ მისი ქმედებები შეესაბამებოდეს საერთაშორისო სამართალს და პატივი სცეს საქართველოს ტერიტორიულ მთლიანობას,“- განაცხადა იენს სტოლტენბერგმა.

მისივე თქმით, შეხვედრაზე მხარეებმა განიხილეს საქართველოში რეფორმების გატარების მიმართ მიღწეული პროგრესი. სტოლტენბერგის თქმით, ეს პროგრესი საქართველოს აახლოვებს მის საბოლოო მიზანთან - ნატო-ში გაწევრიანებასთან.

„ჩვენ, ასევე, განვიხილეთ ის პროგრესი, რომელსაც საქართველო ახორციელებს რეფორმების მიმართულებით. ეს არის გადამწყვეტი, იმიტომ, რომ პროგრესი რეფორმებზე უფრო გვაახლოვებს ერთიან მიზანთან - ნატოს წევრობასთან“, - განაცხადა სტოლტენბერგმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია