სოზარ სუბარი - ივანიშვილის პოლიტიკაში მოსვლის შემდეგ 200 000-300 000-კაციანი მიტინგები ჩვეულებრივი ამბავი იყო, ოპოზიციამ კი 8 წლის განმავლობაში 10 ათასს ვერ მოუყარა თავი აქციაზე

თუ ის ადამიანები, ვინც ხმა ოპოზიციურ პარტიებს მისცა, დარწმუნებულები იქნებიან ან არჩევნების გაყალბების ეჭვი მაინც ექნებათ, რასაც ოპოზიციური პარტიები ამტკიცებენ, მათ ქუჩაში გამოსვლას ვერავინ დაასწრებდა, მოწოდებაც არ დასჭირდებოდათ. მათ ზუსტად იციან, რომ არჩევნები არ გაყალბებულა და არ გამოდიან, - ამის შესახებ საპარლამენტო უმრავლესობის წევრმა სოზარ სუბარმა „პალიტრანიუსის" გადაცემა „დღის ნიუსრუმში" სტუმრობისას განაცხადა.

მისივე თქმით, ოპოზიციამ 10 ათასი კაციც ვერასდროს შეკრიბა.

„ბოლო 8 წელი სწორედ იმით ხასიათდება, რომ ვერც ერთხელ ოპოზიციამ ქუჩის მასშტაბური აქციების მოწყობა ვერ შეძლო. მაგალითად, რაც ხდებოდა 2007-ში, 2008-ში, 2009-ში, აღარ ვსაუბრობ ბიძინა ივანიშვილის პოლიტიკაში მოსვლის შემდეგ 200-300 - ათასიანი მიტინგები რომ ჩვეულებრივი ამბავი გახდა, მსგავსი რამ კი არა, 10 ათას კაცს ვერ მოუყარეს თავი, რადგან, ცხადია, უფრო რადიკალურ ქმედებებზე გადავიდოდნენ.

არ დარჩა საერთაშორისო ასპარეზე ვინმე, ვინც ოპოზიციას არ მოუწოდა, რომ პატივი სცენ ამომრჩევლის ნებას და შევიდნენ პარლამენტში. ქუჩის აქციები ზოგადად დემოკრტიის ნაწილია, როცა ის კანონიერების ფარგლებში ჯდება და ხელს მათ არავინ უშლის. ისიც არ მესმის პარლამენტში შესვლა რატომ უშლის ამ აქციებს ხელს, მაგრამ თუ თვითონ ურჩევნიათ გარეთ იყვნენ, იყვნენ გარეთ.

2013 წელს, როცა „ნაციონალური მოძრაობა" პირველ დიდ შეკრებას აპირებდა, ერთი თვით ადრე აცხადებდნენ, რომ ხალხი დიდი ოდენობა მოვიდოდა, ცხადია ვერავინ შეკრიბეს, მაშინ, რაც ვთქვი იმას გავიმეორებ, რომ „ნაციონალური მოძრაობის" ადგილი არის ქუჩაში, დავტოვეთ ისინი 2012 წელს ქუჩაში და დარჩებიან ქუჩაში მუდმივად, ვერასდროს ეღირსებიან ამ ქვეყნის მმართველობაში მოსვლას", - განაცხადა სოზარ სუბარმა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია