Reuters - წლის პირველ კვარტალში AstraZeneca ევროკავშირს კოვიდ 19-ის ვაქცინის დაგეგმილზე 60%-ით ნაკლებ რაოდენობას მიაწვდის

წარმოებასთან დაკავშირებით შექმნილი პრობლემების გამო, AstraZeneca წლის პირველ კვარტალში, ევროკავშირს კოვიდ 19-ის ვაქცინის 31 მილიონ დოზას მიაწვდის, რაც დაგეგმილზე 60%-ით ნაკლებია, - ამის შესახებ ინფორმაციას Reuters-ი სანდო წყაროზე დაყრდნობით ავრცელებს.

სააგენტოს ცნობით, ევროკავშირის 27 ქვეყანა კომპანიისგან მარტის ბოლომდე ვაქცინის 80 მილიონ დოზას ელოდა. Reuters-ის წყაროს ცნობით, AstraZeneca- მ ევროკავშირის ოფიციალურ პირებს შეხვედრაზე განუცხადა, რომ მიწოდების შემცირება ბელგიაში ვაქცინების ქარხანაში წარმოებასთან დაკავშირებით შექმნილი პრობლემებითაა გამოწვეული.

AstraZeneca-ს მიერ გავრცელებულ ოფიციალურ განცხადებაში დადასტურებულია, რომ მიწოდებული ვაქცინების რაოდენობა ნაკლები იქნება, თუმცა კომპანია რაოდენობის შესახებ დეტალური ინფორმაციას არ ასაჯაროვებს.

„წარმოების ადგილზე პროდუქციის შემცირების გამო თავდაპირველად მიწოდებული რაოდენობა უფრო დაბალი იქნება, ვიდრე თავიდან იყო მოსალოდნელი”, - აღნიშნულია AstraZeneca- ს განცხადებაში.

ინფორმაციას ევროკავშირის ჯანმრთელობის დაცვის კომისარი სტელა კირიაკიდესი გამოეხმაურა და განაცხადა, რომ აღნიშნულის გამო ევროკავშირის მთავრობებმა დიდი უკმაყოფილება გამოხატეს. აღსანიშნავია, რომ 29 იანვარს ევროკავშირის მარეგულირებელმა ორგანომ AstraZeneca- ს ვაქცინის დამტკიცებასთან დაკავშირებით გადაწყვეტილება უნდა მიიღოს. ევროკავშირსა და AstraZeneca– ს შორის მიღწეული შეთანხმების თანახმად, ბლოკმა კომპანიისგან ვაქცინის მინიმუმ 300 მილიონი დოზა უნდა შეიძინოს.

იხილეთ ვიდეო:Reuters - წლის პირველ კვარტალში AstraZeneca ევროკავშირს კოვიდ 19-ის ვაქცინის დაგეგმილზე 60%-ით ნაკლებ რაოდენობას მიაწვდის

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი