საფრანგეთში არ გამორიცხავენ, რომ ქვეყანაში უახლოეს მომავალში საყოველთაო „ლოქდაუნის“ კიდევ ერთხელ დაწესება გახდეს საჭირო

საფრანგეთის სამეცნიერო საბჭოს ხელმძღვანელის, ჟან-ფრანსუა დელფრეისის განცხადებით, ქვეყანაში კორონავირუსის წინააღმდეგ საბრძოლველად, სავარაუდოდ, უახლოეს მომავალში საყოველთაო „ლოქდაუნის“ კიდევ ერთხელ დაწესება გახდება საჭირო.

მისი თქმით, საფრანგეთში, ვირუსის გავრცელების კუთხით, საგანგებო ვითარებაა და გასული კვირა გასაკუთრებით კრიტიკული იყო.

კოვიდ 19-ის ახალი ვარიანტების გავრცელების შეჩერების მიზნით ჟან-ფრანსუა დელფრეისი საფრანგეთის ხელისუფლებას სწრაფი მოქმედებისკენ მოუწოდებს. მისი თქმით, ქვეყნის ზოგიერთ რეგიონში ინფიცირების შემთხვევების 7-9%-ი ახალ, ე.წ. „ბრიტანულ ვარიანტთანაა“ დაკავშირებული.

მედიის ინფორმაციით, მიუხედავად იმისა, რომ საფრანგეთში გასული შაბათ-კვირიდან ე.წ. „კომენდანტის საათი“ მოქმედებს და მოქალაქეებს 18:00 საათიდან გარეთ გასვლა ეკრძალებათ, ინფიცირების მაჩვენებელი მაინც მაღალია და გასული კვირის განმავლობაში ახალი შემთხვევების დღიური რაოდენობა, საშუალოდ, 20 000-ს შეადგენს.

საფრანგეთის მთავრობა ოთხშაბათს შეხვედრას გამართავს, სადაც შეზღუდვების გამკაცრების საკითხზე იმსჯელებენ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია