იაგო ხვიჩია - ნიკა მელიამ დამირეკა, ცუდი საუბარი გვქონდა, მომეჩვენა, რომ მემუქრებოდა, ჩემზე დიდია ფიზიკურად, მორევა შეუძლია - უნდა მივმართო პარლამენტს, რომ იარაღის ტარების ნებართვა მქონდეს

მომეჩვენა, რომ ნიკა მელია მემუქრებოდა. ნიკა მელია ჩემზე დიდია ფიზიკურად, ჩემზე მორევა შეუძლია - მე პარლამენტის წევრი ვარ, მაქვს იარაღის ტარების უფლება და თუ ეს მართლა მუქარაა და მემუქრება ბატონი მელია და დაადასტურებს, უნდა მივმართო საქართველოს პარლამენტს, რომ იარაღის ტარების ნებართვა მქონდეს, - ამის შესახებ “გირჩის” ლიდერმა იაგო ხვიჩიამ ტელეკომპანია "პირველის” ეთერში განაცხადა.

მისი თქმით, სურს გაარკვიოს ნიკა მელია დებატებზე გამოწვევით ემუქრებოდა თუ ფიზიკურად.

"თუ ჩვენ ვსაუბრობთ გაერთიანებულ ოპოზიციაზე, იქ არ შეიძლება ვინმეს გარიცხვა იმის გამო, რომ ვინმე არ მოგწონს. შეიძლება, მე ვიცი, ისეთი ადამიანი ვარ, რომ ბევრ ადამიანს არ მოვწონვარ - რავიცი, პრეტენზიები აქვთ სხვადასხვა შინაარსის, მაგრამ ქართულ ოპოზიციურ სპექტრს, რომ გადავხედოთ, ადამიანებს იქ ერთმანეთის მიმართ პრეტენზიები კი არა, ერთმანეთი დანაჭერი ჰყავთ და ეს ხალხი ნაცემი ჰყავთ ციხეში. პოზიცია იყო განსხვავებული და იმიტომ გვქონდა ეგეთი პოზიცია, რომ დამოუკიდებელი ხალხი ვიყავით - ახლა წარმოიდგინეთ, როცა ერთი პოზიციით შეკრებილი არის 4 სხვადასხვა პარტია და მათ შორის არის ერთი ყველაზე დიდი და გამარჯვებული პარტია "ნაციონალური მოძრაობა", რა შეიძლება დაერქვას ნეიტრალური თვალით ამ ყველაფერს?! ეგ ვთქვი დღეს, სხვა რამ კი არ მითქვამს, იმიტომ არის ნიკა მელია ჩემზე გაბრაზებული. ნიკა მელიამ დამირეკა, ცუდი საუბარი გვქონდა, სამწუხაროდ. მინდა, გავარკვიო მართლა მემუქრებოდა ნიკა მელია, თუ გაბრაზებულზე იცის ასეთი ლაპარაკი. მე მომეჩვენა, რომ ნიკა მელია მემუქრებოდა. ნიკა მელია ჩემზე დიდია ფიზიკურად, ჩემზე მორევა შეუძლია - მე პარლამენტის წევრი ვარ, მაქვს იარაღის ტარების უფლება და თუ ეს მართლა მუქარაა და მემუქრება ბატონი მელია და დაადასტურებს, უნდა მივმართო საქართველოს პარლამენტს, რომ იარაღის ტარების ნებართვა მქონდეს იმიტომ, რომ მურუსიძის სასამართლოს იმედად და პოლიციაში ხომ არ ვუჩივლებ ჩემს პარტნიორს, მე ასეთი ადამიანი არ ვარ. უბრალოდ, რომ არ გამლახოს ვინმემ, ჩემზე დიდი რომ არ მომერიოს, მე მჭირდება თავდაცვის საშუალება. ჯერ უბრალოდ ვაზუსტებ ნიკა მელია დამემუქრა თუ ხუმრობა იყო. ნიკა მელიას სიტყვას რომ პატივს ვცემ, მაგიტომ მივიჩნიე სერიოზულად და მინდა, გავარკვიო მემუქრებოდა დებატებზე გამოწვევით, თუ ფიზიკურად რომ ჩემზე დიდია, მაგით?!”, - განაცხადა ხვიჩიამ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია