აზერბაიჯანის დედაქალაქში ერთ-ერთ საცხოვრებელ კორპუსში აფეთქება მოხდა. ნანგრევებში შესაძლოა, ადამიანები იყვნენ მოყოლილი. ამ დროისთვის მაშველებმა ორი ადამიანი - დედა და შვილი ამოიყვანეს. სამძებრო-სამაშველო სამუშაოები გრძელდება.
„ამ დროისთვის, აფეთქების მიზეზი უცნობია“, - განაცხადეს საგანგებო სიტუაციების სამინისტროში.
თვითმხილველების განცხადებით, აფეთქების შედეგად, საცხოვრებელ სახლში ხანძარი გაჩნდა. აფეთქება იმდენად ძლიერი იყო, რომ მეზობელ მრავალსართულიან სახლებში მინები ჩაამსხვრია.