ლევან გოგიჩაიშვილი - პატარა პარტიებს, რომლებიც „ნაციონალურ მოძრაობასაა“ მიკედლებული, ან გააქრობს „ნაცმოძრაობა“ და სააკაშვილი ან ისინი მათ შეუერთებიან

ოპოზიცია, რომელიც „ნაციონალურ მოძრაობას“ არის მიკედლებული, ვერ მოახერხებს თვითმყოფადობის შენარჩუნებას, ან გააქრობს მათ „ნაციონალური მოძრაობა“ და სააკაშვილი ან ისინი შეუერთებიან მათ,- ამის შესახებ „ჩვენი საქართველოს“ ერთ-ერთმა ლიდერმა, ლევან გოგიჩაიშვილმა „პალიტრანიუსის“ გადაცემა „ნიუსრუმში“ განაცხადა.

როგორც მან აღნიშნა, ოპოზიციამ ამომრჩეველი ვერ დაარწმუნა, რომ მიხეილ სააკაშვილს რეაბილიტაციის საშუალებას არ მისცემდა, ამიტომ „ქართულმა ოცნებამ“ ე.წ. ანტიმიშას ხმები კარგად გამოიყენა არჩევნებზე.

„ქართულმა ოცნებამ“ კარგად გაათამაშა ეს კოზირი, რაც აქვს - ანტიმიშას ხმები. ძალიან მარტივია - ვერ დაივიწყებს ის 300 000 ადამიანი იმ რეპრესიას, რაც მათ განიცადეს სააკაშვილის დროს, ამომრჩეველი სულ 2 მილიონი მოვიდა არჩევნებზე, იქ ოჯახის წევრები არიან კიდევ იმ 300 000 ადამიანის. ოპოზიციამ თავისი ქმედებით ვერ გაყიდა, რომ ისინი არ მისცემდნენ სააკაშვილს რეაბილიტაციის საშუალებას. ამ სივრცეში თუ აქეთა ფლანგი იმარჯვებს, იქ იმარჯვებს მარტო „ნაციონალური მოძრაობა“, დანარჩენებს პროცესში შეჭამენ, გამოცდილებამ აჩვენა, რომ ვერ გაუძლებს პატარა ოპოზიცია, რომელიც „ნაციონალურ მოძრაობას“ არის მიკედლებული, ვერ მოახერხებს თვითმყოფადობის შენარჩუნებას, ან გააქრობს მათ „ნაციონალური მოძრაობა“ და სააკაშვილი ან ისინი შეუერთებიან მას. ორპოლუსიანობა დაძლევადია მხოლოდ იმ შემთხვევაში, თუ „ქართულ ოცნებაზე“ ვისაც ჰქონდა სწორება და გადააგდეს, ისინი დაიწყებენ სხვა პოლიტიკური პლატფორმის ფორმირებას, ანტისისტემური პლატფორმის ფორმირებას. ივანიშვილი კი არ არის მხოლოდ პრობლემა, ბევრი ივანიშვილია ოპოზიციაშიც, ფილოსოფიური პრობლემაა - შენ შენს ირგვლივ ხედავ პროცესების განვითარებას თუ შეგიძლია სხვასთან მართლა თანამშრომლობა. თუ გაგრძელდა ასეთი პოლარიზება, „ქართულმა ოცნებამ“ შეიძლება არ დაკარგოს მხარდამჭერი,“- განაცხადა გოგიჩაიშვილმა.

მისივე თქმით, რეალურად „ქართულმა ოცნებამ“ 2020 წლის არჩევნებზე მხოლოდ პატარა პარტიების ხმები მოიპარა, რადგან „ნაციონალურმა მოძრაობამ“ დადებული პირობა დაარღვია და ყველა ოპოზიციური პარტიის ხმები არ დაიცვა.

„ნაციონალურმა მოძრაობამ“ სიტყვა გატეხა, როცა ოპოზიციამ დაიწყო ხმების დაცვის პროცესი, რეალურად ეს არ განხორციელდა და კულუარულად მას ყველა გეტყვით. ბევრმა ოპოზიციურმა პარტიამ თავის ხმები ვერ დაიცვა, მე ვერ დავიცავი პირდაპირ გეტყვით, არ მყავდა წარმომადგენელი, იქ ხდება ხოლმე გარიგებები შიგნით კომისიებში და თუ შენ არ იბრძვი შენი უფლების დასაცავად შეიძლება ეს ხმა დაკარგო, თუ ვინმეს მანდატები წაიღო „ქართულმა ოცნებამ“, ეს იყო პატარა პარტიების მანდატები, ჩემი პარტიის მანდატი წაიღო, ჭიჭინაძე წაიღო, ბურჯანაძის წაიღო, „ლეიბორისტებს“ დააკლდა და იმ პატარა პარტიებს, ვისაც არ გვეყო ფინანსური რესურსი, ადამიანები დაგვექირავებინა და ყოფილიყვნენ არჩევნებზე,“ - განაცხადა გოგიჩაიშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს