სერგო ჩიხლაძე - რევოლუციას არავინ გეგმავს, ეს არის სამთავრობო პროპაგანდის ნაწილი - თუ მშვიდობიანი დემონსტრაცია რევოლუციაა, კი ბატონო!

რევოლუციას არავინ გეგმავს, ეს არის სამთავრობო პროპაგანდის ნაწილი, -ამის შესახებ მთავრობის ადმინისტრციასთან გამართულ აქციაზე ჟურნალისტებს „სტრატეგია აღმაშენებლის“ წევრმა სერგო ჩიხლაძემ განუცხადა.

მისი თქმით, ოპოზიციაში გამართულ ყველა შეხვედრას ესწრება და რევოლუციური სცენარი არცერთზე განხილულა.

„რევოლუცია ჯერ ერთი არ იგეგმება და ამას ვერავინ დაგეგმავს. სრული პასუხისმგებლობით ვაცხადებ, არც ერთ შეხვედრაზე რევოლუციური სცენარი არ განიხილება, ვერც განიხილება, ეს არის სამთავრობო პროპაგანდის ნაწილი, რომ რევოლუციაზე ვიღაცა ფიქრობს და თუ მშვიდობიანი დემონსტრაცია რევოლუციაა, კი ბატონო,“- განაცხადა ჩიხლაძემ.

ის ასევე გამოეხმაურა NDI-ის კვლევის იმ ნაწილს, სადაც მოქალაქეების 80% მიიჩნევს, რომ პარლამენტში ყველა პარტია უნდა იყოს წარმოდგენილი. როგორც ჩიხლაძე განმარტავს, სამთავრობო პროპაგანდა ამის სხვაგვარად წარმოჩენას ცდილობს, სინამდვილეში კი კვლევის ფარგლებში ბოიკოტთან დაკავშირებით საზოგადოებისთვის კითხვა არ დაუსვამთ.

„მეც რომ დამისვან კითხვა, მეც ვიტყვი რომ ყველა პარტია უნდა იყოს წარმოდგენილი პარლამენტში, აქ არ ყოფილა განხილული როგორ აფასებენ ბოიკოტს ან გაყალბების შემთხვევაში უნდა შევიდნენ თუ არა, ამიტომ ესეც არის სპეკულაცია სამთავრობო პროპაგანდის, რადგან ეს კითხვა არ ყოფილა აქ დასმული. რაც შეეხება შესვლა-არ შესვლას, ყველა უნდა ამოვიდეთ ობიექტური მოცემულობიდან, რომ მოლაპარაკების გარეშე ეს არ მოხდება. თუ მოლაპარაკება და შეთანხმება არ მოხდა ოპოზიციასა და ხელისუფლებას შორის, გამორიცხულია შესვლაზე ლაპარაკი. არ აქვს მნიშვნელობა ვისი მოწოდება იქნება ევროსაბჭოზე. ყველაზე მეტად გვესმის და გვინდა პარლამენტის საქმიანობაში მონაწილეობა, მაგრამ შეთანხმების გარეშე ამას აზრი არ აქვს,“- განაცხადა სერგო ჩიხლაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია