მმართველი გუნდი ოპოზიციის სტატუსით შესული დეპუტატებისთვის იმაზე მეტი საპარლამენტო ბერკეტების მიცემას გეგმავს, რაც მათ მიერვე ინიცირებული პროექტით არის გათვალისწინებული

მმართველი გუნდი პარლამენტში ოპოზიციის სტატუსით შესული დეპუტატებისთვის იმაზე მეტი შესაძლებლობების და საპარლამენტო ბერკეტების მიცემას გეგმავს, რაც მათ მიერვე ინიცირებული პროექტით არის გათვალისწინებული.

შესაბამისი წინადადებები პარლამენტის რიგგარშე სხდომაზე, სადაც რეგლამენტში დაგეგმილი ცვლილებების პროექტი განიხილეს, ფრაქცია „ქართული ოცნების“ თავმჯდომარემ მამუკა მდინარაძემ დასვა.

„თუკი დამეთანხმებით, პროექტი ამ დათქმით მივიღოთ - თუკი დეპუტატთა ჯგუფს ფრაქციის შექმნის საშუალება არა აქვს, მას ისეთ უფლებამოსილებას ვერ მივანიჭებთ, რაც ფრაქციისთვის კონსტიტუციაში არის გაწერილი, თუმცა ჩვენ უფლებამოსილებების კიდევ უფრო გაფართოება შეგვიძლია. გავაკეთოთ იმდაგვარი ჩანაწერი, რომელიც ამ ჯგუფს საშუალებას მისცემს, სამუშაოს ორგანიზებისათვის ხელმძღვანელი ჰყავდეს, ასევე კომიტეტებში, კომისიებში, საპარლამენტო დელეგაციებში მივცეთ წარმომადგენლობის კვოტები, ჰყავდეთ საკუთარი აპარატი და ასე შემდეგ. პროექტი პირველი მოსმენით ამ დათქმით მივიღოთ და მეორე მოსმენამდე დავაზუსტოთ“, - განაცხადა მდინარაძემ პარლამენტის რიგგარეშე სხდომაზე.

დღეს პირველი მოსმენით განიხილეს და კენჭს უყრიან რეგლამენტში დაგეგმილ ცვლილებებს, რომლის მიხედვით, მეათე მოწვევის პარლამენტის უფლებამოსილების ვადის გასვლამდე, ფრაქციის გარდა, პარლამენტის ვიცე-სპიკერის წარდგენის უფლება საპარლამენტო ოპოზიციაში შემავალ უფრაქციო პარლამენტის წევრთა ჯგუფსაც ექნება. გარდა ამისა, ამავე პერიოდში კომიტეტის თავმჯდომარის ერთი მოადგილის კანდიდატურის წარდგენის უფლება ექნება საპარლამენტო ოპოზიციაში შემავალ ფრაქციას ან საპარლამენტო ოპოზიციაში შემავალ უფრაქციო პარლამენტის წევრთა ჯგუფს.

ამასთან, დაზუსტდა შესაბამისი პოლიტიკური პარტიის, რომელსაც არ აქვს შექმნილი საპარლამენტო ფრაქცია, წარდგენით არჩეულ უფრაქციო პარლამენტის წევრების მიერ პოლიტიკურ დებატებში, კანონპროექტის პირველი და მეორე მოსმენებით განხილვის დროს და ინტერპელაციის პროცედურის ფარგლებში სიტყვით გამოსვლის დროის ხანგრძლივობასთან დაკავშირებული საკითხები.

იხილეთ ვიდეო:მმართველი გუნდის წევრებს ოპოზიციის მანდატებთან დაკავშირებით ცალსახა პოზიცია ჯერ კიდევ არ აქვთ

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია