ბადრი ჯაფარიძე - სოლიდარობას ვუცხადებთ ბიზნესის წარმომადგენლებს, რომლებიც მოითხოვენ უგუნური შეზღუდვების გაუქმებას და გონივრული რეგულაციების პირობებში ეკონომიკის და ქვეყნის ნელ-ნელა გახსნას

სოლიდარობას ვუცხადებთ ბიზნესის წარმომადგენლებს, რომლებიც მოითხოვენ უგუნური შეზღუდვების გაუქმებას და გონივრული რეგულაციების პირობებში ეკონომიკის და ქვეყნის ნელ-ნელა გახსნას, - ამის შესახებ „ლელოს“ ერთ-ერთმა ლიდერმა ბადრი ჯაფარიძემ „ინტერპრესნიუსს“ მთავრობის ადმინისტრაციასთან მიმდინარე აქციაზე განუცხადა.

როგორც ჯაფარიძემ აღნიშნა, გონივრული რეგულაციების ნაწილი „ლელომ“ მთავრობას უკვე შესათავაზა, რაც კოვიდპასპორტების შემოღებას და საზოგადოებრივი ტრანსპორტის 70%-მდე დატვირთვით ამუშავებას გულისხმობს.

„სოლიდარობას ვუცხადებთ ბიზნესის წარმომადგენლებს, რომლებიც მოითხოვენ უგუნური შეზღუდვების გაუქმებას და გონივრული რეგულაციების პირობებში ეკონომიკის და ქვეყნის ნელ-ნელა გახსნას. უზარმაზარი ზიანი მიიღო ქვეყნამ და თითოეულმა ოჯახმა ჯერ კიდევ კოვიდის დაწყებამდე უგუნური და არათანმიმდევრული ეკონომიკური პოლიტიკის გატარების გამო და შემდგომ უკვე პანდემიის გამოც. ახლა აუცილებელია ამ ადამიანების მოთხოვნის შესმენა და გონივრული რეგულაციების პირობებში ეკონომიკის ნელ-ნელა გახსნა. გონივრული რეგულაციების ნაწილი ჩვენს მიერ შეთავაზებულ იქნა საზოგადოების მიმართ - ეს არის კოვიდპასპორტების შემოღება, საზოგადოებრივი ტრანსპორტის 70%-მდე დატვირთვით ამუშავება, ასევე შესაძლებელია "კომენდანტის საათის" ღამის 12 საათამდე გადაწევა”, - განაცხადა ჯაფარიძემ.

ცნობისთვის, მთავრობის ადმინისტრაციასთან რესტორატორები და სხვადასხვა ბიზნესის წარმომადგენლები რეგულაციების მოხსნის მოთხოვნით აქციას მართავენ. მათი თქმით, დაწესებულმა შეზღუდვებმა ბიზნესი მძიმე მდგომარეობაში ჩააგდო. აქციაზე ასევე იმყოფებიან სამოქალაქო აქტივისტები და პოლიტიკური პარტიების წარმომადგენლები.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან