თბილისის საკრებულოს წევრმა ლევან დავითაშვილმა სოციალურად დაუცველ  მარტოხელა მოხუცებს პროდუქტები გადასცა

თბილისის საკრებულოს ისნის რაიონის მაჟორიტარმა დეპუტატმა ლევა­ნ დავითაშვილმა, ამავე რაიონის გამგებელ კახა ლაბუჩიძესთან და საუბნო განყოფილების ხელმძღვანელ ხვიჩა ჩალაბაშვილთან ერთად, სოციალურად დაუცველ და მარტოხელა მოხუცებს საკვები პროდუქტი გადასცა. ამის შესახებ ინფორმაციას თბილისის საკრებულო ავრცელებს.

„ჩვენი ქვეყანა გლობალურ გამოწვევასა და შექმნილ კრიზისს წარმატებით უმკლავდება. ხელისუფლება მაქსიმუმს აკეთებს ვირუსის გავრცელების შესაჩერებლად, აბსოლუტურად ყველა სახელისუფლო რგოლი მუშაობს კოორდინირებულად და ეფექტურად. თბილისის მერია სოციალურად დაუცველი და მარტოხელა მოხუცებისთვის ბიზნეს სექტორისა და კერძო პირების მიერ შეგროვებული საკვები პროდუქტების დარიგებას განაგრძობს და ჩვენც, ისნის რაიონის გამგებელ კახა ლაბუჩიძესთან და საუბნო განყოფილების ხელმძღვანელ ხვიჩა ჩალაბაშვილთან ერთად, ჩართულები ვართ აღნიშნულ სოციალურ კამპანიაში და ვაზისუბანსა და მე-8 ლეგიონში მცხოვრებ ხანდაზმულ და რისკის ჯგუფში მყოფი მოქალაქეებისთვის საკვების საცხოვრებელ მისამართზე მიტანას უზრუნველვყოფთ“, - განაცხადა ლევა­ნ დავითაშვილმა.

საკრებულოს წევრმა, კამპანიის მხარდაჭერისთვის, თბილისის მერიას მადლობა გადაუხადა და განაცხადა, რომ ამ რთული პერიოდის დაძლევა სწორედ ერთიანი ძალებით არის შესაძლებელი.

„კამპანიის მხარდაჭერისთვის მინდა მადლობა გადავუხადო დედაქალაქის მერიას და ყველა იმ ადამიანს, ვინც შემოწირულობა გაიღო. მჯერა, ერთიანი ძალებით მსოფლიო გამოწვევას უმოკლეს ვადაში დავამარცხებთ", - განაცხადა ლევა­ნ დავითაშვილმა.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა