თავდაცვის სამინისტრო განცხადებას ავრცელებს

საქართველოს თავდაცვის სამინისტრო განცხადებას ავრცელებს.როგორც განცხადებაშია აღნიშნული, ტელეკომპანია „ფორმულას“ სიუჟეტი, რომელიც „შეეხება უკრაინულ კომპანიას და მასთან დაკავშირებულ საკითხებს, კიდევ ერთხელ მკაფიოდ გვიჩვენებს, აღნიშნული არხისა და მისი რეალური პოლიტიკური მფლობელების მცდელობას, მანიპულაციითა და დაუსაბუთებელი ბრალდებებით, რამენაირად შეასუსტონ თავდაცვის ძალების რეპუტაცია და მიმდინარე მნიშვნელოვანი ძალთა მოდერნიზაციის პროცესის დისკრედიტაცია მოახდინონ“.

„საზოგადოებისათვის განვმარტავთ, რომ უკრაინულ კომპანია “მოტორ სიჩის” წარმომადგენლებთან გამართულ შეხვედრაზე შემოთავაზების სახით განხილული იყო მი-8 ვერტმფრენებისთვის მომსახურების საკითხი, თუმცა, აღნიშნულ საფრენ აპარატებთან დაკავშირებით შეთანხმება ან ხელშეკრულების გაფორმება არ მომხდარა. რაც შეეხება საბრძოლო შვეულმფრენის მი-24-ის ძრავებს და რედუქტორებს, აღნიშნულ საკითხზე კომპანია “მოტორ სიჩსა” და სს „თბილავიამშენს“ შორის ხელშეკრულება უკვე გაფორმებულია, რაც გულისხმობს საბრძოლო მი-24-ის ძრავების მოდერნიზაციასა და რემონტს.

სიუჟეტში მონაწილე პირებისგან, სრულიად გაუგებარი და ცილისმწამებლურია ბრალდება თითქოს აღნიშნული შვეულმფრენების რემონტი და მოდერნიზება რუსულ პრიორიტეტებს წარმოადგენს, რადგან თავიდანვე მათი შესყიდვა და რემონტი სწორედ წინა ხელისუფლების დროს, 2006 წელს უკრაინაში განხორციელდა. მეტიც, მსგავსი საშუალებები გვხვდება ნატოსა და ევროკავშირის არაერთი წევრი ქვეყნის ძალებში, მათ შორის გერმანიაში, ჩრდილოეთ მაკედონიაში, პოლონეთში, სლოვაკეთში, ჩეხეთში, ხორვატიაში, ბულგარეთში, უნგრეთში, რუმინეთში, ხოლო აშშ-ს სასწავლო-სავარჯიშო მიზნებისთვის. გავრცელებული უსაფუძვლო ბრალდებების მიუხედავად, სამინისტრო მიმდინარე და მომდევნო წლებში, შესაძლებლობების განვითარების ათწლიანი ხედვის ფარგლებში, ავიაციის მოდერნიზებასთან, უპილოტო სადაზვერვო და საბრძოლო საფრენი აპარატების (დრონების) შეძენასთან ერთად, კიდევ უფრო აქტიურად განაგრძობს სხვა, საარტილერიო, სადაზვერვო, საინჟინრო, სატრანსპორტო და ლოჯისტიკური შესაძლებლობების განვითარებას“,- აღნიშნულია უწყების განცხადებაში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს