პარლამენტის ვიცე-სპიკერის, დავით სერგეენკოს განცხადებით, საპარლამენტო უმრავლესობაში შინაარსობრივად და კონცეპტუალურად ერთიანი პოზიციაა, რომ ყველა შესაძლებლობა მაქსიმალურად იყოს გამოყენებული იმისთვის, რომ ადამიანებმა, რომელთაც არჩევნებში მოსახლეობის ხმა მიიღეს, პარლამენტში შემოვიდნენ.
რაც შეეხება იმას, თუ ვინ იქნება ოპოზიციისთვის მანდატების შეწყვეტის მომხრე და ვინ - წინააღმდეგი, სერგეენკოს თქმით, ამას მსჯელობა აჩვენებს.
„იმის მოლოდინი ნამდვილად არ არის, რომ ამ ტექნიკურ საკითხშიც ყველა ერთიანი იქნება. მსჯელობა გაგრძელდება და ალბათ, რაღაცაზე შევჯერდებით. მთავარი აზრია, რომ ყველას მაქსიმალური შანსი მიეცეს“, - განუცხადა ჟურნალისტებს დავით სერგეენკომ.