თამარ ბაჩალიაშვილის მშობლებმა და ოჯახის ადვოკატებმა თბილისის საქალაქო სასამართლოში საჩივარი შეიტანეს

გარდაცვლილი პროგრამისტის, თამარ ბაჩალიაშვილის ოჯახის ადვოკატებმა და მშობლებმა თბილისის საქალაქო სასამართლოში საჩივარი შეიტანეს. ისინი გარდაცვლილის მამისთვის, ჯუმბერ ბაჩალიაშვილისთვის დაზარალებულის უფლებამონაცვლის სტატუსის დაბრუნებასა და საქმის ხელახალ გამოძიებას ითხოვენ.

როგორც ადვოკატი მიხეილ რამიშვილი აცხადებს, თუკი, მათ საჩივარს სასამართლო არ დააკმაყოფილებს, ისინი სტრასბურგის სასამართლოს მიმართავენ.

"ჩვენ გავასაჩივრეთ ქალაქის პროკურორის დადგენილებები გენერალურ პროკურატურაში, მათ ისევე დააბრუნეს დადგენილება ქალაქის პროკურატურაში, სადაც უარი გვითხრეს და საჩივარი არ დაგვიკმაყოფილეს. სასამართლოში შეტანილ საჩივარში დავაფიქსირეთ, რომ აღნიშნული დადგენილებები არის უკანონო. არანაირი ექსპერტიზის დასკვნა არ არსებობს, რომ მედიკამენტებზე, რომელიც აღმოჩენილი იყო თამარის ავტომობილში, დნმ-ის ექსპერტიზა არის ჩატარებული, ეს ექსპერტიზა არ ჩაუტარებიათ. არსებობს ძალიან ბევრი დარღვევა, რომელიც ბოლო წუთს, თითქოს, გაგვაცნო პროკურატურამ.

ვიმედოვნებ, მოსამართლეს არ დაავიწყდება, რომ თუ საქმეს არ დააბრუნებს გამოძიებაში, ეს საქმე სტრასბურგში გასაჩივრდება, შესაბამისად, ყველასათვის ნათელი იქნება ის უკანონობა, რომელიც დღემდე მიმდინარეობს. თუ საქმე არ აღდგება გამოძიებაში და არ აღდგება უფლებამონაცვლის სტატუსი ჯუმბერ ბაჩალიაშვილისთვის, რა თქმა უნდა, სტრასბურგში გასაჩივრდება ყველაფერი და გამოჩნდება, როგორ არ არსებობს მართლმსაჯულება და ობიექტური გამოძიება საქართველოში. დღეს გავასაჩივრეთ პროკურატურის უარი, ყველა ის დადგენილება, რომლითაც ჩვენ საჩივარს უარი ეთქვა, რომ საქმე გამოძიებაში აღდგენილიყო და აღმდგარიყო უფლებამონაცვლის სტატუსი. ყველა დადგენილებაში არის სიცრუის კასკადი და არანაირი დასკვნა არ არსებობს, რომ მედიკამენტები თამარის მიერ იყო გამოყენებული",- განაცხადა რამიშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს