ლევან კობიაშვილი - ფედერაცია არ უნდა ფინანსდებოდეს სახელმწიფო ბიუჯეტიდან

საქართველოს პარლამენტის წევრის, ფეხბურთის ფედერაციის პრეზიდენტის, ლევან კობიაშვილის განცხადებით, ფედერაცია სახელმწიფო ბიუჯეტიდან არ უნდა ფინანსდებოდეს.

როგორც კობიაშვილმა ტელეკომპანია „პალიტრანიუსის“ გადაცემა „სპორტალში“ განაცხადა, ფედერაცია დაფინანსებით არ სარგებლობს, რაც მათი მხრიდან მიზანმიმართული გადაწყვეტილებაა.

„ფედერაცია არ უნდა ფინანსდებოდეს სახელმწიფო ბიუჯეტიდან და ჩვენ ამას გარკვეულწილად მიზანმიმართულად ვაკეთებდით. მიუხედავად იმისა, რომ დამტკიცებული ბიუჯეტი გვქონდა, მიზანმიმართულად უარს ვამბობდით და ჩვენი რესურსებით ვაფინანსებდით სხვადასხვა პროექტებს, შესაბამისად, ნაკლებს ვითვისებდით. ასე მივდიოდით ეტაპობრივად და მიზანი გვქონდა, რომ ის დაფინანსება აღარ უნდა მიგვეღო. სახელმწიფომ უნდა გამოიყენოს და იყენებს ინფრასტრუქტურის კეთებისთვის, სტადიონებისთვის და ა.შ. რაც არის სწორი. ხალხმა უნდა იცოდეს, რისთვის უნდა იყოს ეს დაფინანსება. ეს დაფინანსება არ იყო განვითარებაზე ან პროექტების დაფინანსებისთვის. ეს იყო ნაკრებებისთვის, რომ მათი მგზავრობა, შეკრება და ა.შ. ყოფილიყო უზრუნველყოფილი. ამიტომ ვთქვით უარი. პლიუს ამას, პანდემიაა და ქვეყანას უჭირს. არ ვსარგებლობთ სახელმწიფო ბიუჯეტით, თუმცა ეს იყო მიზანმიმართული გადაწყვეტილება, სადამდეც დღემდე ეტაპობრივად მოვდიოდით“, - განაცხადა კობიაშვილმა.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს