ფეხბურთელ გიორგი შაქარაშვილის საქმეზე ბრალდებული 5 სრულწლოვნის სასამართლო პროცესზე დღეს ერთ-ერთ მნიშვნელოვან მოწმეს დაკითხავენ.
სხდომაზე, რომელიც თბილისის საქალაქო სასამართლოში რამდენიმე საათში დაიწყება, ჩვენებას წვეულების მასპინძელი, იუბილარი ანა გაბეჩავა მისცემს. ის ბრალდების მხარის მოწმეა.
ცნობისთვის, ფეხბურთელ გიორგი შაქარაშვილის საქმეზე დაკავებულ სრულწლოვნებს ძალადობას, ძალადობის ორგანიზებას, მასში მონაწილეობასა და თავისუფლების უკანონო აღკვეთას ედავებიან.