საქართველოს პარლამენტის უკანა შესასვლელთან, სადაც „ევროპული საქართველოს“ ახალგაზრდული ორგანიზაციის აქცია უნდა გაიმართოს, მცირე ხმაურია. აქციის მონაწილეებმა ქაღალდისგან დამზადებული სტენდი მიიტანეს, რომელზეც პარლამენტის დეპუტატების სახელები და გვარებია გაკრული. აღნიშნული სტენდის შეტანის უფლებას აქციის მონაწილეებს სამართალდამცავები არ აძლევენ.
ცნობისთვის, დღეს საპარლამენტო უმრავლესობის წევრები ოპოზიციონერი დეპუტატებისთვის საპარლამენტო უფლებამოსილების ვადამდე ადრე შეწყვეტის საკითხს განიხილავენ.