ქუთაისის მერიის საბინაო სამსახურს კორუფციაში ადანაშაულებენ. საკრებულოს ფრაქცია "ნაციონალური მოძრაობის" თავმჯდომარის გიგა შუშანიას თქმით, 2017-2020 წლებში საბინაო სამსახურმა სამუშაოები არაჯეროვნად შეასრულა, რაზეც მერიის შიდა აუდიტის დასკვნა მეტყველებს. ოპოზიციონერი დეპუტატის თქმით, დარღვევების შესახებ ინფორმირებულია ქუთაისის მერი, რომელიც გასულ წლებში ვიცე-გუბერნატორის თანამდებობას იკავებდა, თუმცა მას რეაგირება არ მოუხდენია.

შუშანია, მერიას და საკრებულოს ქმედითი ნაბიჯების გადადგმისკენ მოუწოდებს, წინააღმდეგ შემთხვევაში, პროკურატორას თავად მიმართავს.

"საბინაო სამსახური არაჯეროვნად მუშაობს, ხშირ შემთხვევაში სამუშაოები არც სრულდება. ამას ვკითხულობთ, მერიის შიდააუდიტის დასკვნაში, რომელიც მერმა საკრებულოს გადაუგზავნა და დამტკიცება მოსთხოვა. საუბარია 2017-2020 წლებზე, მერი ინფორმირებულია ამ ყველაფრის შესახებ და თუ არ მოხდება დროული რეაგირება, ვაპირებთ, პროკურატურას მივმართოთ", - განაცხადა გიგა შუშანიამ.