ალეკო ელისაშვილი - თეა წულუკიანმა ვერ გაბედა თავისი ტელეფონის ნომრის დასახელება - გაბედოს!

თეა წულუკიანმა ვერ გაბედა თავისი ტელეფონის ნომრის დასახელება. გაბედოს! - ასე უპასუხა პარტია "მოქალაქეების" ლიდერმა ალეკო ელისაშვილი ჟურნალისტების კითხვას, რატომ გადმოაცხადა თეა წულუკიანმა პარლამენტის სხდომაზე "მთავარი არხის” გენერალური დირექტორის ნიკა გვარამიას ტელეფონის ნომერი.

როგორც ელისაშვილმა აღნიშნა, უმრავლესობას ეყოს გამბედაობა და საკუთარი ნომრები გამოაცხადონ.

"თეა წულუკიანმა ვერ გაბედა თავისი ტელეფონის ნომრის დასახელება. გაბედოს! რად მინდა გვარამიას ტელეფონს რომ მეუბნება, ვიცი გვარამიას ნომერი და თუ მჭირდება, ვუკავშირდები. ეს არის, რომ "ქართული ოცნება" მოწყვეტილია ხალხს. ამის სათქმელად ვართ აქ შემოსულები ზუსტად, რომ ხალხის სათქმელის გამხმოვანებლები ვიყოთ და ხალხის პრობლემებზე ვლაპარაკობდეთ. ხალხის პრობლემებს ვერასდროს გაიგებ ამ შენობიდან, თუ შენ ნომერს არ გამოაცხადებ. ეყოთ გამბედაობა და გამოაცხადონ! ჩვენ აქ ვართ ხალხის სამსახურისთვის და უკეთესი საქართველოსთვის.

აწი ნახეთ კრიტიკა ჩვენგან! ვისაც ჰგონიათ, რომ "ქართულ ოცნებასთან" შეკრულები ვართ, ღმერთმა ხელი მოგიმართოთ, მაგრამ ყოველი დღე გამოავლენს, რომ ჩვენ ჩვენი გადაწყვეტილება მივიღეთ დამოუკიდებლად. აქ ვართ იმისთვის, რომ "ქართულ ოცნებას" ნებისმიერ დროს მივუთითოთ შეცდომებზე, დანაშაულზე და ამით ეს ქვეყანა წინ წავიყვანოთ",- განაცხადა ელისაშვილმა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს