სერგი კაპანაძე - ივერი მელაშვილს ან ნატალია ილიჩოვას რამე რომ მოუვიდეს, პასუხისმგებლობა არის ხელისუფლებაზე, რადგან მათ შექმნეს ეს ძალადობრივი გარემო

ივერი მელაშვილს ან ნატალია ილიჩოვას რამე რომ მოუვიდეს, პასუხისმგებლობა არის ხელისუფლებაზე, რადგან მათ შექმნეს ეს ძალადობრივი გარემო , - ასე ეხმაურება „ევროპული საქართველოს“ ერთ-ერთი ლიდერი, სერგი კაპანაძე, ივერი მელაშვილზე სიტყვიერ შეურაცხყოფის ფაქტს.

კაპანაძის თქმით, უდანაშაულო ადამიანის მიმართ საქმის აღძვრა, შემდეგ მასმედიის მიერ მისი დემონიზება და ძალადობრივი გარემოს გამო, ამ ადამიანისთვის სიტყვიერი შეურაცხყოფა არის არანორმალური ვითარება და ამის შემოქმედები აუცილებლად უნდა დაისაჯონ.

„ზოგადად, ეს ვითარება არის არანორმალური, როდესაც უდანაშაულო ადამიანის წინააღმდეგ ჯერ ერთი საქმეს აღძრავენ და შემდეგ ახდენენ მის სრულ დემონიზებას მასმედიაში, ახდენენ მოღალატის იარლიყის მიწებებას და შემდეგ ამ შექმნილი ძალადობრივი გარემოს გამო ხდება ამ ადამიანზე ძალადობა, მის მიმართ სიტყვიერი შეურაცხყოფის გაჟღერება და ა.შ. კარგად უნდა გვესმოდეს, რომ პასუხისმგებლობა, რამე რომ მოუვიდეს ივერი მელაშვილს ან ნატალია ილიჩოვას არის ხელისუფლებაზე, რადგან მათ შექმნეს ეს ძალადობრივი გარემო. არანაირი გამართლება, მთლიანად ამ ბინძურ კამპანიას, რომელიც ამ ადამიანების წინააღმდეგ იყო, არ აქვს და მისი შემოქმედები აუცილებლად უნდა დაისაჯონ და დაისჯებიან კიდეც ნორმალურ ქვეყანაში“, - განაცხადა კაპანაძემ.

სერგი კაპანაძის კომენტარს „ევროპული საქართველოს“ პრესსამსახური ავრცელებს.

ცნობისთვის, დღეს გავრცელდა ვიდეოკადრები, სადაც ე.წ. კარტოგრაფების საქმეზე ბრალდებულ ივერი მელაშვილს ერთ-ერთ მაღაზიაში მოქალაქემ "მოღალატე" , „გამყიდველი“ უწოდა.

იხილეთ ვიდეო:ივერი მელაშვილს ან ნატალია ილიჩოვას რამე რომ მოუვიდეს, პასუხისმგებლობა არის ხელისუფლებაზე, რადგან მათ შექმნეს ეს ძალადობრივი გარემო - სერგი კაპანაძე

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს