დისკუსია თემაზე - „სკოლების დეპოლიტიზება“ გაიმართა

დისკუსია თემაზე: „სკოლების დეპოლიტიზება“ გაიმართა, რომელშიც განათლების კოალიციის წარმომადგენლები სკოლის დეპოლიტიზების მხარდამჭერი საზოგადოებრივი კომისიის წევრები და ანგარიშის „სკოლების დეპოლიტიზება - გამოწვევები და ტენდენციები 2020 წლის საპარლამენტო არჩევნების ჭრილში“ ავტორი, ირმა პავლიაშვილი იღებდნენ მონაწილეობას. ამის შესახებ ინფორმაციას განათლების კოალიცია ავრცელებს.

მათივე ცნობით, შეხვედრაზე მონაწილეებმა განიხილეს ის პრობლემები და მიგნებები, რომელიც ანგარიშში „სკოლების დეპოლიტიზება - გამოწვევები და ტენდენციბი 2020 წლის საპარლამეტნო არჩევნების ჭრილში“ გამოიკვეთა.

“გარდა ამისა, იმსჯელეს ანგარიშში წარმოდგენილ რეკომენდაციებზე, რომლებიც უნდა უზრუნველყოს სახელმწიფომ და განათლების სამინისტრომ. კერძოდ, საარჩევნო კანონმდებლობის და სახელმწიფო უწყებების მიერ პოლიტიკური ნეიტრალიტეტის დაცვა; საგანმანათლებლო სისტემაში დასაქმებულთა მიმართ 2020 წლის საპარლამენტო არჩევნებისას სავარაუდო იძულებისა და ზეწოლის ფაქტების შემოწმება; საგანმანათლებლო სისტემაში სავარაუდო პოლიტიკური დისკრიმინაციის საკითხების შემსწავლელი სპეციალური კომისიის შექმნა; დირექტორობის მოვალეობის შემსრულებელთა შერჩევის კრიტერიუმების შემუშავება; საჯარო სკოლების ავტონომიის მეტი გარანტიები“ ,- ნათქვამია ინფორმაციაში.

ასევე, მონაწილეები ის სამომავლო გეგმები წარადგინეს, რომელიც უნდა განახორციელოს კომისიამ სკოლის დეპოლიტიზების მიმართულებით.

„სკოლის დეპოლიტიზების მხარდამჭერი საზოგადოებრივი კომისიის შექმნა ეფუძნება 2020 წლის 17 სექტემბრის განათლების კოალიციისა და პარტნიორობა ადამიანის უფლებებისათვის ინიცირებულ განცხადებას, რომელშიც 38 ხელმომწერი ორგანიზაცია ხელისუფლებას განათლების სისტემის დეპოლიტიზების მოთხოვნით მიმართავს. კომისიის მიზანია დაიცვას ზოგადი განათლების სისტემაში ჩართული ადამიანები (მასწავლებლები, დირექტორები და ა.შ.) პოლიტიკური ნიშნით დევნისა და დისკრიმინაციისაგან.

მოვუწოდებთ სკოლის ადმინისტრაციის წარმომადგენლებს, პოლიტიკური ნიშნით ზეწოლის შემთხევაში მოგმართონ: efacoalition@efagerorgia.ge.

ანგარიშის განხორციელება შესაძლებელი გახდა პროექტის „სკოლების დეპოლიტიზება“ ფარგლებში, რომელსაც ახორციელებს განათლების კოალიცია აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის ფინანსური მხარდაჭერით”, - ნათქვამია ინფორმაციაში.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს