მიხეილ სარჯველაძე - ოპოზიციას  მწყობრი პოზიცია არ აქვს და ამიტომ უაზრო და გაუაზრებელ შეფასებებს ვისმენთ

ოპოზიციას მწყობრი პოზიცია არ აქვს და ამიტომ უაზრო და გაუაზრებელ შეფასებებს ვისმენთ, - ასე აფასებს ადამიანის უფლებათა კომიტეტის თავმჯდომარე მიხეილ სარჯველაძე ჟურნალისტებთან „ევროპული საქართველოს“ ერთ- ერთი ლიდერის, გიგი უგულავას პოზიციას ოპოზიციონერი დეპუტატებისთვის უფლებამოსილების შენარჩუნების შესახებ.

როგორც სარჯველაძე განმარტავს, მათ უბრალოდ „სპორტული ინტერესი“ აქვთ და ამიტომაც ისმის მსგავსი კრიტიკა ამ საკითხზე.

„გადაწყვეტილება იყო სწორი იმის გათვალისწინებით, როგორიც იყო პოლიტიკური მოცემულობა. ხოლო მსგავსი ტიპის აბსოლუტურად უსაგნო და უაზრო შეფასებებს არავითარი საფუძველი არ აქვს. ეს არის ვითარება, როცა როგორიც არ უნდა იყოს გადაწყვეტილება, მარტო იმიტომ, რომ სპორტული ინტერესი აქვთ პოლიტიკოსებს, შესაბამისად, კომენტარი არის ხოლმე კრიტიკული. არ აქვს უბრალოდ მწყობრი პოზიცია ოპოზიციას დღეს და ამიტომ ვიღებთ ასეთ უაზრო და გაუაზრებელ შეფასებებს,“ - განაცხადა მიხეილ სარჯველაძემ.

ცნობისათვის, გიგი უგულავამ მანდატების გაუქმების საკითხზე გუშინ ასეთი განცხადება გააკეთა: „აირია „ქოცისტანი“ და კენჭისყრა ჩააგდეს - როგორც ეროვნული მოძრაობის დროს ამბობდნენ: კრემლმა უკან დაიხია, ახლა მთავარია ბოლომდე მივაწვეთ!“

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა