ჩემთვის გაუგებარი იყო, რომ არ იყო ოპოზიცია სხდომათა დარბაზში წარმოდგენილი, როცა საარჩევნო ცვლილებებს იხილავდა "ქართული ოცნება",- ამის შესახებ მოქალაქეების" ლიდერმა ალეკო ელისაშვილმა ჟურნალისტებთან წინა მოწვევის პარლამენტის მუშაობასთან დაკავშირებით დასმული კითხვის საპასუხოდ განაცხადა.

ელისაშვილის თქმით, უცნაური სურათი იყო, როცა “ქართული ოცნება” საარჩევნო ცვლილებებს დიპლომატებთან ერთად განიხილავდა და ოპოზიცია ამ პროცესში არ მონაწილეობდა.

"ბოლო დროს ოპოზიციის კრიტიკით ვარ დაკავებული, მაგრამ ამ შემთხვევაშიც, ჩემთვის გაუგებარი იყო, რომ ოპოზიცია სხდომათა დარბაზში არ იყო წარმოდგენილი, როცა საარჩევნო ცვლილებებს იხილავდა “ქართული ოცნება”. ეს იყო გაუგებარი, რადგან ამისთვის ვიბრძოდით, ამისთვის ვჩხუბობდით და მე რასაც ვუყურებდი ძალიან უცნაური სურათი იყო, რომ “ქართული ოცნება” და უცხოელი ელჩები მონაწილეობდნენ მხოლოდ საარჩევნო ცვლილებების განხილვაში, ეს ძალიან გაუგებარი იყო,"- განაცხადა ელისაშვილმა.