კობა გვენეტაძის განცხადებით, სესხების ჩამოწერა შეუძლებელია, თუმცა ბანკები და მიკროსაფინანსო ორგანიზაციები მაქსიმალურად ითვალისწინებენ იმ სირთულეებს, რაც მსესხებლებს აქვთ

ეროვნული ბანკის პრეზიდენტის კობა გვენეტაძის განცხადებით, სესხების ჩამოწერა შეუძლებელია, თუმცა ბანკები და მიკროსაფინანსო ორგანიზაციები მაქსიმალურად ითვალისწინებენ იმ სირთულეებს, რომლებიც მსესხებლებს აქვთ.

როგორც კობა გვენეტაძემ სესხების გადავადების საკითხის კომენტირებისას აღნიშნა, საბანკო სექტორი აგრძელებს სირთულეების მქონე მსესხებლების ფინანსური მდგომარეობის შესწავლას და მათზე მორგებული გადახდის განრიგის შეთავაზებას.

„ბანკებს საკმარისი ლიკვიდური რესურსი აქვთ, რომ ამ კუთხით გამოწვევებს უპასუხონ. დეკემბრიდან ეროვნული ბანკის წახალისებით, კომერციულმა ბანკებმა გადავადების მესამე ტალღა დაიწყეს. იმ მსესხებლების შემთხვევაში, რომლებიც შემოსავლების შემცირება-დაკარგვის გამო ვერ ახერხებენ გადახდას და საშეღავათო პერიოდი სჭირდებათ, ეროვნული ბანკი კომერციულ ბანკებს არ სთხოვს მოსალოდნელი დანაკარგის დამატებითი რეზერვის შექმნას. ეს ამ სიტუაციაში აუცილებელია. ხშირად ამბობენ ხოლმე, საერთოდ რატომ არ ხდება ამ სესხების ჩამოწერა. მოგეხსენებათ, რომ გაცემული სესხები არის ვალდებულებებით, რომელიც ბანკს აქვს და მასზე პროცენტის დარიცხვა არ შემცირებულა, აქედან გამომდინარე, შეუძლებელია, რომ ასეთი ჩამოწერები მოხდეს, მაგრამ ბანკები და მიკროსაფინანსო ორგანიზაციები მაქსიმალურად ითვალისწინებენ იმ სირთულეებს, რომლებიც მსესხებლებს აქვთ და ცდილობენ, რომ გადახდების ახალი განრიგი მოარგონ“,- აღნიშნა კობა გვენეტაძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია