ირაკლი ბერაია გერმანიის ფედერაციული რესპუბლიკის ელჩს შეხვდა

თავდაცვისა და უშიშროების კომიტეტის თავმჯდომარე ირაკლი ბერაია გერმანიის ფედერაციული რესპუბლიკის საგანგებო და სრულუფლებიან ელჩს, ჰუბერტ ქნირშს შეხვდა.

როგორც “ინტერპრესნიუსს” საქართველოს პარლამენტიდან აცნობეს, შეხვედრაზე მხარეებმა ისაუბრეს ოკუპირებულ რეგიონებში არსებულ ვითარებასა და რეგიონული უსაფრთხოების გარემოზე, საქართველოს ევროპული და ევრო-ატლანტიკური ინტეგრაციის პროცესზე, ასევე ქართულ-გერმანულ თანამშრომლობაზე უსაფრთხოებისა და თავდაცვის სფეროში.

“სტუმარმა კიდევ ერთხელ გამოხატა გერმანიის მხრიდან საქართველოს სუვერენიტეტისა და ტერიტორიული მთლიანობის მტკიცე მხარდაჭერა. საუბრისას მნიშვნელოვანი ყურადღება დაეთმო გერმანიის აქტიურ ჩართულობას ნატო-საქართველოს არსებითი პაკეტის არაერთი ინიციატივის იმპლემენტაციაში. ირაკლი ბერაიამ ხაზგასმით აღნიშნა თავდაცვისა და უშიშროების კომიტეტსა და გერმანიის ბუნდესტაგის შესაბამის კომიტეტებს შორის თანამშრომლობის განვითარებისა და გაღრმავების, აგრეთვე ფედერაციული რესპუბლიკის საკანონმდებლო ორგანოში შექმნილ ქართულ-გერმანულ ფორუმში ჩართულობის აუცილებლობა და მნიშვნელობა. ირაკლი ბერაიამ გერმანელ დიპლომატს კომიტეტის საქმიანობის ძირითადი მიმართულებები და პრიორიტეტები გააცნო. შეხვედრას კომიტეტის თავმჯდომარის მოადგილე ვლადიმერ ჩაჩიბაია და გერმანიის სამხედრო ატაშე ლარს უკერვიცი ესწრებოდნენ”,- ნათქვამია ინფორმაციაში.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 20.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს