ეკატერინე ტიკარაძე - ინფექციურ საავადმყოფოში დავათვალიერე იმ ცივი ჯაჭვის არსებობა, რომელიც აუცილებელია „ფაიზერის“ ვაქცინის მისაღებად

ინფექციურ საავადმყოფოში დავათვალიერე სწორედ იმ ცივი ჯაჭვის არსებობა, რომელიც აუცილებელია „ფაიზერის“ ვაქცინის მისაღებად. მნიშვნელოვანია გათვალისწინებული იყოს თითოეული დეტალი, იმისთვის, რომ პროცესი უსაფრთხო იყოს მედიკოსებისთვის, - ამის შესახებ ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ თბილისის ინფექციურ საავადმყოფოში სტუმრობის შემდეგ განაცხადა.

ეკატერინე ტიკარაძე კორონავირუსზე ვაქცინაციისთვის მზადების პროცესს გაეცნო და აღნიშნა, რომ მნიშვნელოვანია იყოს ცივი ჯაჭვის და ინფრასტრუქტურის მზაობა, რისთვისაც საქართველო რამდენიმე თვეა ემზადება.

„ყველამ ვიცით, რომ ჯანდაცვის სამინისტრომ აწარმოა წარმატებული მოლაპარაკებები, რის შედეგადაც თებერვლის ბოლოს საქართველოში ვაქცინების პირველი ნაკადი შემოვა, რითიც აიცრებიან ექიმები, ადამიანები, რომლებიც უფრო მჭიდრო კონტაქტში არიან ინფიცირებულ ადამიანებთან. მნიშვნელოვანია ცივი ჯაჭვის და ინფრასტრუქტურის მზაობა, რომლისთვისაც საქართველო არაერთი თვეა ემზადება. დღეს ინფექციურ საავადმყოფოში დავათვალიერე სწორედ იმ ცივი ჯაჭვის არსებობა, რომელიც აუცილებელია „ფაიზერის“ ვაქცინის მისაღებად. მნიშვნელოვანია გათვალისწინებული იყოს თითოეული დეტალი, იმისთვის, რომ პროცესი უსაფრთხო იყოს მედიკოსებისთვის და შემდგომში ჩვენი მოსახლეობისთვის. დაწყებულია რეგულირების სააგენტოს მხრიდან ყველა კლინიკის დეტალური შესწავლა“, - აცხადებს ტიკარაძე.

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს