ზუგდიდის მაჟორიტარი დეპუტატი ირაკლი ჩიქოვანი საქართველოში თურქეთის რესპუბლიკის საგანგებო და სრულუფლებიან ელჩს, ფატმა ჯერენ იაზგანს შეხვდა. ინფორმაციას პარლამენტის პრესსამსახური ავრცელებს. უწყების ცნობით, მხარეებმა ისაუბრეს იმ პროექტებზე, რომელსაც თურქული ბიზნესსექტორი საქართველოში ახორციელებს.

„სამუშაო შეხვედრაზე აღინიშნა, რომ აუცილებელია გავაგრძელოთ ინტენსიური კონტაქტები, რათა კიდევ უფრო დავაინტერესოთ ბიზნეს სექტორის წარმომადგენლები საქართველოში ინვესტიციების ჩადებით. განსაკუთრებული ინტერესის სფეროს წარმოადგენდა თხილის კულტურის განვითარების მიმდინარეობა ჩვენს ქვეყანაში. ასევე, ვისაუბრეთ სამეგრელოს რეგიონში სხვა ბიზნეს მიმართულებების განვითარებაზე“, - განაცხადა შეხვედრის დასრულების შემდეგ ირაკლი ჩიქოვანმა.