დავით გარეჯის საქმესთან დაკავშირებით, გენერალურ პროკურატურაში დიმიტრი ლორთქიფანიძე დაიბარეს.

აღნიშნულის შესახებ "ინტერპრესნიუსს" პროკურატურაში დაუდასტურეს.

როგორც დიმიტრი ლორთქიფანიძე სოციალურ ქსელ „ფეისბუქში“ წერს, პროკურატურაში ის ხვალ, 4 თებერვალს 12:00-ზე არის დაბარებული.

ცნობისთვის, საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი - ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა. დაკავებულებს სასამართლომ აღკვეთის ღონისძიების სახით შეფარდებული პატიმრობა 20 000-20 000-ლარიანი გირაოს სანაცვლოდ შეუცვალა და სასამართლო დარბაზიდან გაათავისუფლა.