ნათია თურნავა - საქართველოსა და აშშ-ს შორის სტრატეგიული თანამშრომლობის გეგმაში ჩვენი ეკონომიკა და რეფორმების დახმარება ერთ-ერთ ცენტრალურ ადგილს იკავებს

ეკონომიკის მინისტრმა ნათია თურნავამ აშშ-ის საერთაშორისო განვითარების სააგენტოს მისიის დირექტორთან პიტერ ვიბლერთან ახალი სტრატეგიული გეგმა განიხილა, რომელიც USAID-ის მიერ საქართველოს ენერგეტიკული რეფორმების, მცირე და საშუალო ბიზნესისა და, ზოგადად, ეკონომიკის გაჯანსაღების ხელშეწყობას ითვალისწინებს.

შეხვედრაზე ასევე იმსჯელეს ტურიზმის კრიზისიდან გამოსვლის გეგმაზე, რაც USAID-ის წარმომადგენლების განცხადებით, ტურიზმის სფეროში თანამშრომლობის განვითარების ფარგლებში განსაკუთრებით პრიორიტეტული იქნება.

„ჩვენ განვიხილეთ ის ნაყოფიერი თანამშრომლობა, რაც გვაქვს წლების მანძილზე ამ ორგანიზაციასთან, რასაკვირველია, USAID-ის ფარგლებში თანამშრომლობა ასახავს ძალიან მნიშვნელოვან სტრატეგიულ პარტნიორობას საქართველოსა და აშშ-ს შორის და აღსანიშნავია, რომ ამ თანამშრომლობაში ახლა იწყება ახალი ეტაპი, დგება ახალი სტრატეგიული გეგმა, სადაც ჩვენი ეკონომიკა და რეფორმების დახმარება იკავებს ერთ-ერთ ცენტრალურ ადგილს - ეს განსაკუთრებით მნიშვნელოვანი იქნება მომავალ პერიოდშიც, ისევე როგორც აქამდე. განვითარდება თანამშრომლობა ენერგეტიკის სექტორშიც, ეს იქნება ენერგეტიკული რეფორმების მხარდაჭერა, ენერგოუსაფრთხოებისა და ენერგოდამოუკიდებლობის განმტკიცება", - აღნიშნა შეხვედრის დასრულების შემდეგ ნათია თურნავამ.

მინისტრის განცხადებით, USAID-ის ახალ სტრატეგიულ გეგმაში კვლავ მნიშვნელოვანი იქნება მცირე და საშუალო ბიზნესის დახმარება, რაც წარიმართება რამდენიმე მიმართულებით, მათ შორის პროგრამის „აწარმოე საქართველოში" გაძლიერებისა და უცხოელი ინვესტორების მოზიდვის დახმარების თვალსაზრისით.

„ამ კუთხით ჩვენ ერთმანეთთან აქამდეც ვთანამშრომლობთ და ძალიან საინტერესო პროგრამები გვაქვს, მათ შორის უცხოელი ინვესტორების მოზიდვის ნაწილში. USAID გვეხმარება სხვადასხვა განთავსების, მრჩევლებისა და კონსულტანტების მოზიდვით, ვინც საქართველოს მიმზიდველობას გააცნობს სხვადასხვა ქვეყნის გლობალურ ინვესტორებს და სწორედ ამ მიმართულებითაც გავაძლიერებთ მუშაობას" , - განაცხადა საქართველოს ეკონომიკისა და მდგრადი განვითარების მინისტრმა.

აღნიშნულ ინფორმაციას საქართველოს ეკონომიკისა და მდგრადი განვითარების სამინისტრო ავრცელებს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს