3 თებერვალს საერთაშორისო ორგანიზაცია ,,ეროვნული ენერგოომბუდსმენების ქსელის“ NEON-ის მიმდინარეწლის რიგით პირველი შეხვედრა გაიმართა,- ამის შესახებ ინფორმაციას ენერგოომბუდსმენის სამსახური ავრცელებს.
მათი ინფორმაციით, ენერგოომბუდსმენი სალომე ვარდიაშვილი გენერალურ შეხვედრას სრულუფლებიანი წევრის სტატუსით ესწრებოდა, რის საფუძველზეც მან მონაწილეობა მიიღო გადაწყვეტილებების მიღების პროცესში ხმის მიცემის უფლებით.
შეგახსენებთ, რომ NEON ბელგიის კანონმდებლობისა და ევროკავშირში მოქმედი წესების საფუძველზე შექმნილი საერთაშორისო ორგანიზაციაა, რომელიც აერთიანებს ევროპული ქვეყნების ენერგეტიკის სექტორის უფლებადამცველ სამსახურებს. საქართველოს ენერგოომბუდსმენის სამსახური 2015 წლიდან აქტიურად თანამშრომლობს ნეონთან.