შემოსავლების სამსახურის ინფორმაციით, წითელ ხიდზე არადეკლარირებული საქონელი აღმოაჩინეს.

მათივე ინფორმაციით, აღნიშნულ ფაქტზე ორი პირი დაჯარიმდა.

"საბაჟო გამშვებ პუნქტზე „წითელი ხიდი“, მებაჟე ოფიცრების მიერ, საქართველოს მოქალაქეების, უ.გ.-ს და ქ.ა.-ს კუთვნილი სატვირთო ავტოტრანსპორტის ეჭვის საფუძველზე, ფიზიკური დათვალიერების შედეგად, ექსპორტის რეჟიმში მოქცეული არადეკლარირებული ტვირთი აღმოაჩინეს. საქონლის საერთო საბაჟო ღირებულებამ 18 097 ლარი შეადგინა. საქართველოს საბაჟო კოდექსის 168-ე მუხლის I ნაწილის შესაბამისად, მოქალაქე უ.გ.-ს სანქციის სახით ფულადი ჯარიმა 8 160 ლარი, ხოლო ქ.ა.-ს 9 937 ლარი შეეფარდათ",-აღნიშნულია ინფორმაციაში, რომელსაც ფინანსთა სამინისტროს შემოსავლების სამსახური ავრცელებს.