„საქართველოს მედიატორთა ასოციაციის“ 2020-2025 წწ სტრატეგიული განვითარების გეგმის თანახმად, მოქმედი მედიატორების განგრძობადი პროფესიული განათლების სავალდებულო სისტემა 2022 წლიდან დაინერგება. ამის შესახებ ინფორმაციას მედიატორთა ასოციაცია ავრცელებს.

მათივე ინფორმაციით, ამერიკის შეერთებული შტატების საერთაშორისო განვითარების სააგენტოს (USAID) კანონის უზენაესობის მხარდაჭერის პროექტი საქართველოში მხარს უჭერს მედიატორთა განგრძობადი პროფესიული განათლების სავალდებულო სისტემის დანერგვას საქართველოში. სამუშაო ჯგუფი დაკომპლექტებულია როგორც მედიატორთა პროფესიის, ასევე მოსამართლის და ადვოკატის პროფესიების, საერთაშორისო ექსპერტის და ქვეყანაში მოქმედი საერთაშორისო ორგანიზაციების წარმომადგენლებით.

„საქართველოს მედიატორთა ასოციაციის“ თავმჯდომარე ირაკლი ყანდაშვილი წარმატებების უსურვებს მედიატორთა განგრძობადი პროფესიული განათლების სამუშაო ჯგუფს და აღნიშნულ კიდევ ერთ ინიციატივას მედიატორის პროფესიის ქვეყანაში დანერგვის და ნდობის მოპოვების ერთ-ერთ უმნიშვნელოვანეს წინაპირობად მიიჩნევს“, - ნათქვამია ინფორმაციაში.