მამუკა მდინარაძე - მიხეილ სააკაშვილი დიდი ხანია უკვე პოლიტიკური გვამი გახდა, ის ფიზიკური მკვლელობებიდან პოლიტიკური მკვლელობების მცდელობაზე გადავიდა

მიხეილ სააკაშვილი ფიზიკური მკვლელობებიდან გადავიდა პოლიტიკური მკვლელობების მცდელობაზე,- ამის შესახებ ფრაქცია "ქართული ოცნების" თავმჯდომარე მამუკა მდინარაძემ ჟურნალისტებთან განაცხადა, რითაც ყოფილი პრეზიდენტის მიხეილ სააკაშვილის განცხადებას გამოეხმაურა.

მისი თქმით, მიხეილ სააკაშვილის ადგილი ქართულ პოლიტიკაში აღარ არის, რადგან "დიდი ხანია ის პოლიტიკური გვამი გახდა".

"ბულინგი იყო აქამდე, ეს არის წარმოუდგენელი თავხედობა, ბულინგზე მეტი, სანამ მას შეეძლო, ფიზიკურად კლავდა ადამიანებს და ახლა მოინდომა, რომ პოლიტიკურად მოკლას, რადგან ფიზიკურად მოკვლის საშუალება აღარ აქვს. დაანებონ ამ გვამების ხსენებას თავი და რეალობაზე იფიქრონ. მიხეილ სააკაშვილის ადგილი ქართულ პოლიტიკაში აღარ არის, არ მინდოდა, თავად რომ არ ეთქვა და თქვენ არ მოგეყოლათ ამ სიტყვის გამოყენება - ის დიდი ხანია უკვე პოლიტიკური გვამი გახდა, ამ სიტყვას აღარ გამოვიყენებ, რადგან წარმოუდგენელი ტერმინოლოგიაა, მხოლოდ მას შეუძლია თქვას, უბრალოდ საპასუხოდ ვამბობ - ფიზიკური მკვლელობებიდან გადავიდა პოლიტიკური მკვლელობების მცდელობაზე. მე მგონია, რომ მისი სიტყვები აღარ უნდა გავიმეოროთ, არც საკუთარ თავს და არც საზოგადოებას აღარ ვკადროთ ასეთი რამ,"- განაცხადა მდინარაძემ.

ცნობისათვის, მიხეილ სააკაშვილმა განაცხადა, რომ "პარლამენტში ოპოზიციიდან არავინ შესულა, გარდა ოთხი გვამისა".

სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
ქართული პრესის მიმოხილვა 05.03.2021
ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
იურიდიული პირები პროკრედიტ ბანკში ანგარიშებს დისტანციურად გახსნიან
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს