თბილისის მერის კახა კალაძის განცხადებით, 20 ივნისის ღამეს დაზარალებული მაკო გომური სახელმწიფოს მხრიდან თანადგომისა და მხარდაჭერის გარეშე არ დარჩება. როგორც მან ჟურნალისტებს განუცხადა, ვისაც სახელმწიფოს დახმარება ესაჭიროება, ხელისუფლება ყურადღების მიღმა არავის დატოვებს.
„არავინ დარჩება ყურადღების მიღმა. არც მაკო გომური და არც სხვა ადამიანები, ვინც სახელმწიფოს მხრიდან თანადგომას და მხარდაჭერას საჭიროებენ, არავინ დარჩება ყურადღების მიღმა, ამის გარანტიას გაძლევთ“,-განაცხადა კალაძემ.
ცნობისთვის, მაკო გომურმა 20 ივნისის ღამეს, ანტისაოკუპაციო აქციის დროს, თვალი დაკარგა. შეგახსენებთ, მაკო გომურმა სოციალურ ქსელში გაავრცელა განცხადება, სადაც ის აღნიშნავს, რომ არჩევნების შემდეგ მის ჯანმრთელობასთან დაკავშირებულ საკითხებზე სახელმწიფო სტრუქტურებთან კომუნიკაცია გართულდა.