დავით სონღულაშვილი აშშ-ის საერთაშორისო განვითარების სააგენტოს „USAID-ის ეკონომიკური მმართველობის პროგრამის“ ხელმძღვანელს ნატალია ბერუაშვილს შეხვდა

საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილი აშშ-ის საერთაშორისო განვითარების სააგენტოს „USAID-ის ეკონომიკური მმართველობის პროგრამის“ ხელმძღვანელს ნატალია ბერუაშვილს და ორგანიზაციის წარმომადგენლებს შეხვდა. ამის შესახებ ინფორმაციას პარლამენტის აპარატი ავრცელებს.

მათივე ცნობით, სამუშაო შეხვედრის ფარგლებში მხარეებმა განიხილეს განხორციელებული და მიმდინარე აქტივობები, ასევე ის გამოწვევები და შესაძლებლობები, რომელთა გამოყენებაც სამომავლოდ სხვადასხვა სექტორის გაძლიერებას შეუწყობს ხელს.

"შეხვედრაზე დავით სონღულაშვილმა USAID-ის წარმომადგენლებს კომიტეტის მიმდინარე საქმიანობა და პრიორიტეტები გააცნო. გამოიკვეთა კონკრეტული მიმართულებებიც, რაზეც მომავალში კომიტეტი და „USAID-ის ეკონომიკური მმართველობის პროგრამა“ აქტიურად ითანამშრომლებენ.

"USAID-ის ეკონომიკური მმართველობის პროგრამა“ 5- წლიანი პროექტია, რომელიც მიზნად ისახავს საქართველოს დახმარებას ეკონომიკური მმართველობის გასაუმჯობესებლად. სისტემურ მიდგომაზე დაყრდნობით, პროგრამა ეხმარება საჯარო, კერძო და სამოქალაქო საზოგადოების ორგანიზაციების შესაძლებლობათა გაძლიერებას ეკონომიკური მმართველობის გაუმჯობესების მიზნით", - ნათქვამია ინფორმაციაში.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
საერთაშორისო სისტემა ინტელიექსპრესი საქართველოს მოქალაქეებისთვის ევროპულ სერვისებზე წვდომას ამარტივებს