ვატო სურგულაძე - ჯერჯერობით ვაქცინებზე დაპირებებია, არ მუშაობენ - დიახ, ღარიბი ქვეყანა ვართ, უნდა ვიაროთ, სადაც შეგვიძლია ვიმათხოვროთ, სადაც ფულია გადასახდელი, უნდა გადავიხადოთ და დროულად შემოვიტანოთ

ჯანდაცვის ექსპერტი, „ლელოს“ წევრი ვატო სურგულაძე არ გამორიცხავს, რომ საქართველომ კორონავირუსზე სრულყოფილი ვაქცინაციის ჩატარება 2022 წლის ზაფხულამდე ვერ შეძლოს.

როგორც სურგულაძემ ტელეკომპანია „პალიტრანიუსის“ გადაცემა „დღის ნიუსრუმში“ განაცხადა, ხელისუფლების მხრიდან მხოლოდ დაპირებებია და ვაქცინის მისაღებად რეალურად არ მუშაობენ.

„ასე თუ გავაგრძელეთ მუშაობა, როგორც ახლა ვმუშაობთ, 2022 წლის დაახლოებით ივნისი-ივლისისთვის ჩავატარებთ იმ ღონისძიებებს, რომელიც ვაქცინაციას ეხება.

ჯერჯერობით არის დაპირებები. არ მუშაობენ. არ იმუშავა ჩვენმა დიპლომატიურმა კორპუსმა. დიახ, ერთი ღარიბი ქვეყანა ვართ, უნდა ვიაროთ, სადაც შეგვიძლია ვიმათხოვროთ, სადაც ფულია გადასახდელი, უნდა გადავიხადოთ თანხა და დროულად შემოვიტანოთ ვაქცინა“,- განაცხადა სურგულაძემ.

კითხვაზე, იმის შესახებ, რომ მთავრობის წარმომადგენლების განცხადებით, ვაქცინის მისაღებად მუშაობა მიმდინარეობს, სურგულაძე ამბობს, რომ ამის დამადასტურებელი არაფერი ჩანს.

„ამბობენ, მარტში მივიღებთ 180 ათასიდან 300 ათასამდე რაოდენობის ვაქცინასო. 180 ათასი საერთოდ სხვა რიცხვია და 300 ათასი სხვა. ისიც არ გვაქვს გამიჯნული, რა რაოდენობას მივიღებთ პრაქტიკულად ერთ თვეში. ვერ შევაფასებ მათ მუშაობას, სანამ არ დავინახავ, როგორ ტარდება ვაქცინაცია. ვაქცინაცია მხოლოდ ვაქცინების მიღება არ არის, აქ არის გადამზადება, ლოჯისტიკა, მიწოდება, ანგარიშგება, გართულებებთან მუშაობა. საკმაოდ რთული ლოჯისტიკური პროცესია“,- განაცხადა ვატო სურგულაძემ.

რაც შეეხება ქვეყანაში არსებულ რეგულაციებს, ვატო სურგულაძე ამბობს, რომ „თუ არსებული ვითარება გაგრძელდა, უფრო დიდ პრობლემებში ჩავვარდებით და გამოსვლა ძალიან რთული იქნება“.

„თუ ვაკეთებთ ისე გავაკეთოთ, რომ ნაკლები პრობლემები იყოს. საკომენდანტო საათიც უნდა მოხსნან. ასევე უნდა გახსნან რესტორნები და ზამთრის კურორტები. ზამთრის კურორტები და რესტორნების არგახსნა ყოველდღიურად საკმაოდ დიდი ზარალია“,- განაცხადა სურგულაძემ.

რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
ქართული პრესის მიმოხილვა 23.09.2021
დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
სტერეო +  განცხადებას ავრცელებს
„სს ფუდმარტი“ რიგით მე-500 მაღაზიას ხსნის
„ვითიბი“ ბანკმა ილუზიების მუზეუმის გასახსნელად 700,000 ლარის ოდენობის სესხი გასცა
ვლადიმერ პაპავა - საუბარი, რომ „ვისოლში“ საწვავი არ ჩავასხათ, კონკრეტულ ქსელში საკვები არ ვიყიდოთ, ბიზნესზე ტერორია
საქართველოს უნივერსიტეტი ვაქცინაციის პროცესში ჩაერთო
შპს „ლუკოილ-ჯორჯიამ“ კომპანია „უნიგრუპის“ წინააღმდეგ სასამართლოში სარჩელი შეიტანა