ამირან გამყრელიძე - დამტკიცების ფაზაშია ახალი „პისიარ“ რეაგენტები, რომლებიც ახალი შტამების იდენტიფიცირებას ახდენს და უკვე შევუკვეთეთ
დამტკიცების ფაზაშია ახალი „პისიარ“ რეაგენტები, რომლებიც ახალი შტამების იდენტიფიცირებას ახდენს და უკვე დაკვეთილი გვაქვს,- ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჟურნალისტებთან განაცხადა.
როგორც მან აღნიშნა, ახალი შტამების გამოჩენა დიაგნოსტიკური პროტოკოლების შეცვლის საჭიროებას გამოიწვევს.
"მოგეხსენებათ, გენეტიკურ სეკვენირებაზე დაგვჭირდა ორი კვირა, მაგრამ ახლა უკვე გამოდის, დამტკიცების ფაზაშია ახალი „პისიარ“ რეაგენტები, რომლებიც ამ შტამების იდენტიფიცირებას ახდენენ და უკვე დაკვეთილი გვაქვს, რომ ჩვენც ვიყიდოთ. ამიტომ მუტაცია რომ განიცადა, ამას დიაგნოსტიკური პროტოკოლების შეცვლა დასჭირდება“, - განაცხადა გამყრელიძემ.
