ამირან გამყრელიძე - კვლევაშია ერთი შემთხვევა, სადაც შესაძლებელია, იყოს რეინფიცირება

დღეს კვლევაშია კიდევ ერთი შემთხვევა, სადაც შესაძლებელია, რომ იყოს რეინფიცირება, დანარჩენი შემთხვევები ლაბორატორიის, ეპიდემიოლოგების მიერ არის უკუგდებული,- ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.

როგორც მან აღნიშნა რეინფიცირებასთან დაკავშირებით რამდენიმე ათეული შემთხვევის კვლევა მიმდინარეობდა.

"აქედან უმრავლესობა იქნა უარყოფილი, რადგან რეინფიცირება მარტო იმით არ დგინდება, რომ გაზაფხულზე იყო კოვიდი და ახლა კიდევ არის, ამას სჭირდება გენეტიკური კვლევა, რამდენად სხვადასხვა შტამით იყო ეს კოვიდი გამოწვეული. დღეს კვლევაშია კიდევ ერთი შემთხვევა, სადაც შესაძლებელია, რომ იყოს, დანარჩენი შემთხვევები ლაბორატორიის, ეპიდემიოლოგების მიერ არის უკუგდებული.

მოგეხსენებათ, გარდა ძირითადი შტამისა, ოცამდე შტამი იქნა დაფიქსირებული ერთი წლის განმავლობაში. რესპირაციულ ვირუსებს ხშირი მუტაციები ახასიათებთ, მაგრამ საბედნიეროდ ეს მუტაციები რაც ხდებოდა, არ ახდენდა დიდ გავლენას, გარდა ბრიტანულისა, რომელმაც ოდნავ გადამდებლობაზე და ასაკზე მოახდინა გავლენა, მაგრამ სიკვდილიანობაზე არ მოახდინა. ასევე ვაქცინები, რომელიც დღეს ხმარებაშია ფარავენ დღეს არსებულ მუტაციებს. ჩვენ ვებრძვით ვირუსს, გვინდა დავძლიოთ. ვაქცინა შეიქმნა, წამლები გამოჩნდება, არსებობს უკვე რამდენიმე ამერიკული, გერმანული კომპანიის, არ მინდა დავასახელო. ახლა, დღეს გვქონდა საუბარი ახალი წამალია სამხრეთ კორეის კოვიდის სამკურნალოდ, მაგრამ ეს ვირუსიც აქეთ გიძალიანდება, იცვლის თავის გენეტიკურ შენებას, ვინ მოიგებს ამ ბრძოლას, ვნახოთ", - განაცხადა გამყრელიძემ.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა