შალვა პაპუაშვილი წულუკიანის მიერ გვარამიას ნომრის გასაჯაროებაზე - მთავარია, არ გვქონდეს ასეთი ხასიათის პოლიტიკური დისკუსიის საჭიროება

„ქართული ოცნების“ წევრის შალვა პაპუაშვილის შეფასებით, თეა წულუკიანის მიერ ტელეკომპანია „მთავარის“ გენერალური დირექტორის ნიკა გვარამიას ტელეფონის ნომრის გასაჯაროება კანონდარღვევა არაა, თუმცა მსგავსი ხასიათის პოლიტიკური დისკუსიის საჭიროება არ უნდა გვქონდეს.

როგორც პაპუაშვილმა ტელეკომპანია „პალიტრანიუსის“ გადაცემა „რეზიუმეში“ განმარტა, დებატის ყველას თავისი სტილი აქვს, თუმცა წულუკიანის მხრიდან კონკრეტულად ეს სვლა, განსაზღვრული იმისთვის არ იყო, რომ ერთ-ერთი ტელეკომპანიის მფლობელისთვის ვინმეს დაერეკა.

„ეს კანონდარღვევა, რა თქმა უნდა, არაა, რადგან ეს ტელეფონის ნომერი საჯარო წყაროში მოიპოვება. ეს ტელეფონის ნომერი ინტერნეტში დევს, აქედან გამომდინარე საჯარო წყარო არის. როდესაც რაღაც ტიპის ინფორმაცია, საჯარო წყაროებში და "გუგლში" მოიპოვება დაფარული ინფორმაცია აღარ არის. ჩემი ანალიზი ეს იქნება, ამ კონკრეტულ შემთხვევასთან დაკავშირებით, მაგრამ კონტექსტს უნდა შევხედოთ. ზოგადად, პოლარიზებაა პოლიტიკურ პარტიებსა და მედიას შორის. მთავარი ასეთი ცალკეული შემთხვევები და ინციდენტები კი არაა, მთავარი ის არის, რომ ჩვენ არ გვქონდეს ასეთი ხასიათის პოლიტიკური დისკუსიის საჭიროება. აქვე შევახსენებ, თუ ტელეფონის გასაჯაროებაზეა ლაპარაკი, ერთ-ერთ მიტინგზე, მაგალითად, გიორგი გახარიას ტელეფონის ნომერი გასაჯაროვდა. შეგახსენებთ, რომ არჩილ თალაკვაძის ნომერი გაასაჯაროვა ერთ-ერთმა ჟურნალისტმა საკუთარ „ფეისბუქ“ გვერდზე. საერთო ჯამში ჩანდა, ჩანაფიქრი რა იყო, რიტორიკული სვლა რაში მდგომარეობდა, ეს არ იყო განსაზღვრული იმისთვის, რომ ვინმეს უნდა დაერეკა ერთ-ერთი ტელევიზიის მფლობელისთვის. ყველას თავისი სტილი აქვს დებატის“, - განაცხადა პაპუაშვილმა.

შეგახსენებთ, რომ მე-10 მოწვევის პარლამენტის პირველ სხდომაზე წულუკიანმა პარტია "მოქალაქეების" ლიდერის, დეპუტატ ალეკო ელისაშვილის საპასუხოდ, "მთავარი არხის" გენერალური დირექტორის, ნიკა გვარამიას მობილურის ნომერი გამოაცხადა.

ალექსანდრე თვალჭრელიძე - არ შემეშინდება გითხრათ, რომ არჩევნების შემდეგ ჩვენ განსხვავებულ პოლიტიკურ სტრუქტურას მივიღებთ
ქართული პრესის მიმოხილვა 27.09.2021
რამაზ საყვარელიძე - თუ „ქოც/ნაცებმა“ მიაღწიეს საწადელს, ისევ დატოვეს ამომრჩეველი ორ პოლუსს შორის, მაშინ არაფერი შეიცვლება, ამ კინოსაც ის დასასრული ექნება, რაც ადრინდელ კინოებს ჰქონდათ
წინანდლის ფესტივალის პრესსამსახური განცხადებას ავრცელებს
ქართველმა მეცნიერებმა და ევროკავშირის დაძმობილების პროექტის ექსპერტებმა "მწვანე გარიგების” პერსპექტივები განიხილეს