2020 წელს ტექინსპექტირება 710 378-მა ავტოსატრანსპორტო საშუალებამ გაიარა, საიდანაც 31% დახარვეზდა

ეკონომიკის სამინისტროს ინფორმაციით, 2020 წელს ტექინსპექტირება 710 378-მა ავტოსატრანსპორტო საშუალებამ გაიარა, საიდანაც 31% დახარვეზდა.

„ინტერპრესნიუსმა“ სავალდებულო ტექინსპექტირების 2020 წლის შედეგების შესახებ ინფორმაცია ეკონომიკისა და მდგრადი განვითარების სამინისტროდან გამოითხოვა.

უწყების ინფორმაციით, გასულ წელს ტექინსპექტირება 710 378-მა ავტოსატრანსპორტო საშუალებამ გაიარა, საიდანაც 488 824, ანუ მთლიანი რაოდენობის 69% ვარგისი იყო, მოთხოვნები ვერ დააკმაყოფილა 219 895-მა, ხოლო გადაადგილება აეკრძალა 1 659 ავტოსატრანსპორტო საშუალებას.

ამასთან, უწყების ინფორმაციით, გასულ წელს პერიოდული ტექნიკური ინსპექტირება 13 863-მა მიკროავტობუსმა გაიარა, საიდანაც 42-ს გზაზე გადაადგილება აეკრძალა, ვარგისი იყო 9 657, ხოლო მოთხოვნები ვერ დააკმაყოფილა 4 164-მა მიკროავტობუსმა.

შეგახსენებთ, 2018 წელს ამოქმედდა ტექნიკური ინსპექტირება სამგზავრო და სატვირთო ავტომობილებისთვის, სახელმწიფო უწყებებისა და იურიდიული პირების კუთვნილი ავტოსატრანსპორტო საშუალებებისთვის, აგრეთვე 3 000 კუბ/სმ ან მეტი ძრავის მოცულობის მქონე ავტომობილებისთვის. ამასთან, 2019 წლის 1-ელი იანვრიდან ტექნიკური ინსპექტირება მთლიანად ავტოპარკისთვის სავალდებულო გახდა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს