სამინისტრო - ბათუმში ნაპირდაცვისა და სანაპირო ზოლის მოწყობის სამუშაოები დასრულებულია

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ბათუმის ნაპირდაცვის პროექტი დაასრულა. როგორც "ინტერპრესნიუსს" რეგიონული განვითარებისა და ინფრასტრუქტურის სამინისტროდან აცნობეს, პროექტის ფარგლებში სრულად აღდგა 2 კმ-იან მონაკვეთზე სანაპირო ზოლი.

მათივე ცნობით, მოეწყო დაახლოებით 1.8 კმ სიგრძის ნაპირსამაგრი ნაგებობა, აღდგა შტორმისგან დანგრეული ბულვარი, დაიგო ბულვარის ახალი საფარი, შეივსო პლაჟი ქვიშა-ხრეშოვანი ნარევით. ნაპირდამცავი ნაგებობა წარმოადგენს მასიურ კონსტრუქციას, რომლის მნიშვნელოვანი ნაწილი არ არის ხილული, განლაგებულია ზღვის დონეზე დაბლა და დაფარულია პლაჟის ინერტული მასალით. ნაგებობის ფერდის და საფუძველის ზედა ფენა დაფარულია დიდი ზომის 3-7 ტონამდე ფლეთილი ქვებით, რაც უზრუნველყოფს ნაპირის (ბულვარის) საიმედო დაცვას ტალღების ზემოქმედებისაგან.

„ფონდმა დაასრულა ბათუმის ბულვარის აღდგენის, ნაპირსამაგრი სამუშაოების. ძველი ბულვარი ზღვის ზემოქმედებით მთლიანად იყო დაშლილი. მოეწყო 1.8 კმ. ქვის დამცავი ბერმა. უნდა ითქვას, რომ საკმაოდ უნიკალური, ძალიან მნიშვნელოვანი პროექტი განხორციელდა არა მარტო ბათუმისთვის, არამედ მთლიანად საქართველოსთვის. მნიშვნელოვანია, რომ მშენებელი კომპანია იყო უცხოური და მშენებლობა საერთაშორისო კომპანიის ზედამხედველობით ხდებოდა. ყველა პროცედურა "აზიის განვითარების ბანკის" წესებით და რეგულაციებით განხორციელდა. პროექტის განხორციელების შემდეგ, ზღვის ზემოქმედება ვეღარ დააზიანებს იმ ინფრასტრუქტურას, რომელიც აქ არსებობს და, ამავე დროს, იძლევა საშუალებას დამატებითი განვითარებისთვის, დამატებითი ეკონომიკური აქტივობის შესაქმნელად“,- განაცხადა მუნიციპალური განვითარების ფონდის აღმასრულებელმა დირექტორმა გიორგი შენგელიამ.

ბათუმის ნაპირდაცვის საპროექტო დოკუმენტაცია მოამზადა იტალიურმა საერთაშორისო საკონსულტაციო კომპანია "ტექნიტალმა“ საპროექტო გადაწყვეტილებები განხილული იქნა ადგილობრივი ექსპერტების მიერ, რის შემდეგაც პროექტი შეთანხმდა აჭარის ავტონომიური რესპუბლიკის ხელმძღვანელობასთან. სამშენებლო სამუშაოები კი განახორციელა ტენდერით შერჩეულმა კომპანია ,,Struijk“-მა (ნიდერლანდები).

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა