ხატია დეკანოიძის განცხადებით, ნიკა მელიას პროკურატურაში დაბარება პოლიტიკური დევნის გაგრძელებაა

"ერთიანი ნაციონალური მოძრაობის" ერთ-ერთი ლიდერის ხატია დეკანოიძის განცხადებით, ნიკა მელიას პროკურატურაში დაბარება პოლიტიკური დევნის გაგრძელებაა და სხვა არაფერი.

"მსგავსი აბსურდული განცხადება ამ პროკურატურისგანაც კი მოულოდნელი იყო. ეს დაბარება დაკავშირებულია რამდენიმე მიზეზთან: 1. პოლიტიკური მართლმსაჯულება და პოლიტიკური ლიდერების მიმართ დევნა გრძელდება. იმ ადამიანების, ვინც ივანიშვილისთვის წინაღობას წარმოადგენს. 2. ეს უკავშირდება პოლიტიკური მართლმსაჯულების გამოყენებას და ხელების გადაგრეხვას, რომ ოპოზიცია დააშინონ და შეიყვანონ პარლამენტში. თუმცა, როგორც არ უნდა გამოიყენონ პროკურატურა, იქნება ეს პოლიტიკური დევნისთვის თუ სხვა ინტერესებისთვის, ამ ქვეყანაში თავისუფლებისთვის ბრძოლა შეუქცევადია", - განაცხადა დეკანოიძემ.

ცნობისთვის, საქართველოს გენერალური პროკურატურა „ერთიანი ნაციონალური მოძრაობის“ თავმჯდომარე ნიკა მელიას აფრთხილებს, რომ გირაოს გადაუხდელობის შემთხვევაში სასამართლოს მისთვის აღკვეთის ღონისძიების სახით პატიმრობის შეფარდების შუამდგომლობით მიმართავს. პროკურატურა განცხადებას ავრცელებს და განმარტავს, რომ აღნიშნულთან დაკავშირებულ საკითხზე გაფრთხილების მიზნით ნიკა მელია საგამოძიებო უწყებაში დაიბარეს.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)