გივი მიქანაძე - ჩვენ, გარკვეული პერიოდის განმავლობაში გვქონდა და გვაქვს კონსულტაციები სხვადასხვა ოპოზიციური პარტიის წარმომადგენლებთან

ჩვენ, გარკვეული პერიოდის განმავლობაში გვქონდა და გვაქვს კონსულტაციები სხვადასხვა ოპოზიციური პარტიის წარმომადგენლებთან - ჩვენი განცხადება, რომ 20-მდე დეპუტატს აქვს პარლამენტში შესვლის სურვილი, მაგრამ ბულინგის წნეხს ვერ სცილდება, ზუსტად ამ კომუნიკაციის და კონსულტაციების შედეგიც არის, - ეს განცხადება ჟურნალისტებთან საუბრისას „ქართული ოცნების“ დეპუტატმა გივი მიქანაძემ გააკეთა.

მისივე თქმით, ოპოზიციასთან კონსულტაციები გრძელდება ერთადერთი მიზნის გამო, რომ მოხდეს მოქალაქეების მიერ გაკეთებული არჩევანის პატივისცემა.

"იმ მოქალაქეების მიმართ ვართ პასუხისმგებლიანი, რომელთაც „ქართულ ოცნებას“ არ დაუჭირეს მხარი, მაგრამ ჩვენ გვინდა, საქართველოს საზოგადოების მიერ გამოხატული თავისუფალი ნება საბოლოო ჯამში ასახული იყოს პარლამენტში. თუ ვხედავთ, რომ ჯანსაღად მოაზროვნე რომელიმე ოპოზიციური პარტიის წარმომადგენელს ჩვენთან კომუნიკაცია და გარკვეული საკითხების განხილვა სურს, ჩვენ ყოველთვის გვაქვს ამისი მზაობა და ეს არასდროს დაგვიმალავს", - განუცხადა ჟურნალისტებს გივი მიქანაძემ.

კითხვაზე, კონკრეტულად ვისთან მიმდინარეობს კომუნიკაცია, დეპუტატმა აღნიშნა, რომ თემა სენსიტიურია და ამის დაკონკრეტება არასწორი იქნება.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)