ფრაქცია "ქართული ოცნების" თავმჯდომარის მამუკა მდინარაძის განცხადებით, არსებობს გონივრული ოპტიმიზმი პარლამენტში ოპოზიციური ფრაქციის ფორმირების საკითხზე. მდინარაძე ვერ აკონკრეტებს, ოპოზიციიდან ვის შესვლას ელიან პარლამენტში და რა შემადგენლობის ოპოზიციური ფრაქცია შეიძლება ჩამოყალიბდეს.
"პარლამენტში ოპოზიციური ფრაქციის შექმნის თაობაზე წინასწარი ინფორმაცია არ არსებობს, თუმცა ამასთან დაკავშირებით გონივრული და საღი ოპტიმიზმი არსებობს", - განაცხადა მამუკა მდინარაძემ.
პარლამენტის ბიუროს გუშინდელ სხდომაზე პარლამენტის თავმჯდომარემ არჩილ თალაკვაძემ განაცხადა, რომ პარლამენტში სულ მალე ოპოზიციური ფრაქცია შეიქმნება.